Дүйсенбі, 20 Мамыр 2024
Жаңалықтар 5935 18 пікір 1 Маусым, 2017 сағат 09:32

«Нұр Отан» Сингапур биігіне қол созды

Қазақстан мен Сингапур арасындағы ынтымақтастық партиялық деңгейге көтерілді. Оған «Нұр Отан» партиясы Төрағасының Бірінші орынбасары Мұхтар Құл-Мұхаммедтің Сингапурге барып, елдегі басты саяси күш Халықтық іс-әрекет партиясының Бас хатшысы, премьер-министр Ли Сянь Лун мырзамен кездесуі дәлел.

Кездесуде тараптар партияаралық әріптестік жайында сөз қозғап, екі ел арасындағы ынтымақтастықтың басым бағыттарын талқылады. «Нұр Отан» партиясы Сингапурдың Халықтық іс-әрекет партиясы сияқты бірлік пен берекенің және мемлекеттің өсіп-өркендеуінің кепілі. Биыл Қазақстанда Мемлекет басшысының бастамасымен Үшінші жаңғыру үдерісі басталды. Сондықтан Сингапур экономикасындағы таңғажайып табыстарға саяси тірек болған партия тәжірибесінің бізге берері мол», – деді Мұхтар Құл-Мұхаммед.

Өз кезегінде Ли Сянь Лун екі тараптың жан-жақты ынтымақтастық орнатуға деген талпынысы мен партияаралық байланысты нығайтуға бағытталған бастамаларын қолдайтынын айтты.

Сонымен қатар «Нұр Отан» партиясы Төрағасының Бірінші орынбасары сапар барысында Халықтық іс-әрекет партиясының төрағасы Кхо Бун Ванмен, Парламент спикері Халима Якубпен және Ли Куан Ю атындағы Мемлекеттік саясат мектебінің ректоры Кишоре Махбубанимен кездесіп, екіжақты келіссөздер жүргізді. Одан бөлек, Мұхтар Құл-Мұхаммед елімізде цифрлық технологияны жетілдіру үшін Сингапурдағы робот жасау ісі бойынша алдыңғы қатардағы ғылыми-зерттеу орталығында болды.

Біздегі орысқұлдар қит етсе Ресейге қарай жүгіреді, ал өнер де, ғылым да, технология да Жапония, Корея, Сингапур сияқты Азияның өрен жүйріктерінде. Пайғамбарымыздан қалған: «Егер өнер, ғылым Қытайда болса, сонда барып үйрен», – деген хадис бар. Ендеше біз ақылы, ғылымы, өнері асқан елдерден үйренуіміз керек.

Abai.kz

18 пікір

Үздік материалдар

Құйылсын көшің

Бас газет оралмандарға неге шүйлікті?

Әлімжан Әшімұлы 2167
Әдебиет

«Солай емес пе?»

Ғаббас Қабышұлы 2570
Қоғам

Дос көп пе, дұшпан көп пе?

Әбдірашит Бәкірұлы 2446
Ел іші...

Ұлттық бірегейлену: Қандастардың рөлі қандай?

Омарәлі Әділбекұлы 1671