Бейсенбі, 1 Маусым 2023
Деп жатыр 3198 0 пікір 24 Қаңтар, 2017 сағат 14:10

ЖАПОНДАР ҚҰРАНДЫ ЖАТҚА ОҚЫП ЖАРЫСТЫ!

Жапонияның Хироо қаласындағы араб-ислам институтында жыл сайынғы 17-Құран оқу жарысы өтті.

Шараны Japan Islamic Trust басшылығы Құран жаттау жөніндегі халықаралық ұйыммен бірлесе өткізген.

Конкурс қатысушылары екі топ – жасөспірімдер және ересектер, ұлдар мен қыздар тобына бөлінді. Жеңімпаздар үш санат: Құранды әдемі оқу, жатқа оқу және 5 жүз (тарау), 2 жүз, 1 жүз және қасиетті Құран Кәрімнің 0,5 жүз (тармағын) жатқа айту бойынша анықталды.

Шараның салатанатты марапаттау рәсіміне араб-ислам институтының директоры Насер әл-Наим, Japan Islamic Waqf директоры шейх Акил Седики, сондай-ақ жапониялық белгілі мұсылман қайраткерлері қатысты. Ал, жеңімпаздарға ұмра қажылығына жолдама берілген.

Айта кетейік, Жапонияда мұсылмандар саны шамамен 70 000-ды құрайды. Жапония мұсылман ассоциациясының мәліметінше, 10 мыңнан аса жергілікті жапон ислам дінін қабылдаған.

 

Сайтқа әзірлеген Нұрсұлу Найманова

Abai.kz

0 пікір

Үздік материалдар