Жұма, 29 Наурыз 2024
Жаңалықтар 3269 0 пікір 26 Мамыр, 2016 сағат 11:30

Украина Савченконы қайтарып алған секілді Қырым мен Донбасты да қайтарады

"Надежда Савченко Украина символына айналды", – деп мәлімдеді Украина президенті Петр Порошенко сәрсенбі күні Киев резиденциясында украиналық әскери қызметкердің босатылып, еліне қайтарылғаннан кейінгі сөйлеген сөзінде.

Порошенко Батыс елдеріне Савченконы босатуға көмектескені үшін алғысын жеткізіп, Украина "Надежданы қайтарып алған секілді, Донбасс пен Қырымды да қайтарады" деп мәлімдеді.

Порошенкомен бірге көпшілік алдына шыққан Надежда Савченко азаматтарды Ресейден қорықпай, тізе бүкпей, құқықтары үшін күресуге шақырды.

Савченко Киевке сәрсенбі күні Ресей президенті Владимир Путин оған рақымшылық жариялағаннан кейін, Украина президентінің ұшағымен келді. Путиннің өзі айтқандай, ресейлік екі журналист Игорь Корнелюк пен Антон Волошиннің өлімі үшін айыпталған Савченкоға кешірім жасауды қаза тапқандардың ата-аналары сұраған.

Дәл сол күні Украина президенті Ресей азаматтары Евгений Ерофеев пен Александр Александровқа рақымшылық жариялады. Украина соты оларды терроризмге қатысы бар деп соттаған. Екеуі де Мәскеуге оралды. Путиннің баспасөз хатшысы Песковтың сөзінше, олардың президентпен кездесуі күн тәртібінде қарастырылмаған.

Абай-ақпарат

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1576
Алашорда

Қожанов межелеу науқанында (Жалғасы)

Бейбіт Қойшыбаев 2272
Ғибырат

Қайсар рухты ғазиз жан

Мұхтар Құл-Мұхаммед 3589