Жексенбі, 26 Мамыр 2024
46 - сөз 4889 0 пікір 3 Наурыз, 2016 сағат 08:52

ҚАЙРАН, КҮЛПӘШ...

- Директор іште ме?
- Иә. Кіріңіз, сізді күтіп отыр.
- Шақырдыңыз ба?..
- Қайда жүрсің, Күлпәш? Сені күткеніме жарты сағат болды. Қане, тез оқушыларыңды ал да, әкімнің үйіне бар. Жем-шөбін тасып үлгере алмай, қиналып жатқан көрінеді.
- ...
- Күлпәш, неге телефоныңды көтермейсің?
- Мен оқушыларыммен бірге егістікте жүрмін. Даусын естімей қалыппын...
- Егістігі несі? Онда кім жіберді сендерді?
- Өзіңіз өткенде айтып едіңіз ғой. Әкімнің орынбасарына масаққа көмектесіп жіберіңдер деп...
- А, иә. Онда ертең ертемен маған кіріп кет!
- ...
- Сәлеметсіз бе?.. Кіруге бола ма?
- Кел, кел. Қазір ешқайда бұрылмай біздің үйге бар. Ауданнан тексеру келе жатыр екен. Соларды күтіп жіберейік.
- Менің бүгін ашық сабағым бар еді...
- Ашық сабақты қайтесің? Бір тапсырмаларын бере сал. Үйден дайындалып келсін!
- ...
- Келіңдер, кіріңдер. Үздік-создық болмай, неге ертерек жиналмайсыңдар! Қысқасы, сайлау да келіп қалды. Әр үйді аралап жүріп дауыс жинайсыңдар. Білесіңдер ғой, үйді-үйіне бармасаң бірі қозғалмайды. 
- Директор мырза, сайлау, комиссия күту, картоп жинау деп жүріп, оқу үлгерімі мүлде нашарлап кетті...
- Тоқтат. Саған мұндай ақылды сөздерді кім үйретіп жүр? Әлде орныңды босатқың келе ме?
- ... 
- Кел, Күлпәш. Жағдайды мен айтпай-ақ түсініп отырған шығарсың. Оқушыларың ұлттық тесттен аудан бойынша ең төменгі баға алды. Сен ғана емес, менің де басыма бұлт үйіріліп отыр. Сондықтан, өз еркіңмен арызыңды жаза ғой!

Қанағат Әбілқайыр

Facebook-тегі парақшасынан

0 пікір

Үздік материалдар

Құйылсын көшің

Бас газет оралмандарға неге шүйлікті?

Әлімжан Әшімұлы 2348
Әдебиет

«Солай емес пе?»

Ғаббас Қабышұлы 2690
Қоғам

Дос көп пе, дұшпан көп пе?

Әбдірашит Бәкірұлы 2945
Ел іші...

Ұлттық бірегейлену: Қандастардың рөлі қандай?

Омарәлі Әділбекұлы 1772