Жексенбі, 19 Мамыр 2024
Мәйекті 6629 0 пікір 28 Наурыз, 2016 сағат 14:54

АПАТТЫ ҰШАҚТЫ АМАН ҚОНДЫРҒАН ҰШҚЫШТАРҒА «БАТЫР» АТАҒЫ БЕРІЛУІ ТИІС!

Кешелі-бері көпшіліктің талқысына түскен мәселе Астанада апатты жағдайда қонған Fokker-100 (Bek Air) ұшағының ұшқыштарының ерлікке тән әрекеті болды. Қызылордадан ұшып шығып, Астана әуежайына қонар сәтте апаттық жағдайға ұшыраған ұшақтың бортында 116 адам болған.

Ұшақтың алдыңғы шассилері ашылмай қалғандықтан, тұмсығымен жер сүзген ұшақты басқарған ұшқыштар туралы пікірлер әлеуметтік желі мен қоғамдық ортада қызу талқылануда.

Әлемдік авиацияның тарихында жүздеген жолаушысы бар бортты құтқарып қалудың дәл осындай оқиғалары сирек кездеседі. Бұны мүмкін емес жағдай немесе миллионнан бір десе де болады. Әрбір жолаушының ата-анасы, баласы, іні-қарындастары сонымен қатар жүздеген туысқандары бар, түптеп келгенде олардың барлығының тағдыры  апатқа ұшырай жаздаған ұшақтың «қанатына» байланып қалған еді.

Бейбіт күнде батырға тән ерлік көрсетіп, апатты жағдайдағы ұшақты жерге шеберлікпен қондыра білген Bek Air әуе компаниясының ұшқыштары «Халық қаһарманы» атағына әбден лайық екені даусыз.

Мұндай ұсынысты әлеуметтік желі қолданушысы Сырым Әбірахманов та өзінің «Фейсбуктегі»  жеке парақшасында білдіріпті.

Қазақстан Республикасының «Халық  қаһарманы» – Отанына ерекше мәртебе көрсетіп, ел  алдына игілікті іс тындырып көзге түскен, халқына  аса көрнекті қызметі мен тәуелсіздік жолында жауынгерлік ерлік көрсеткен адамдарға берілетін атақ.

Ұшақ ішіндегі 116 адамның өмірін құтқарып қалған ұшқыштар: Дмитрий Родин мен В. Семерячинский жоғарғы деңгейдегі атақпен марапатталуға тиіс.

«Халық қаһарманы» атағы Қазақстан Республикасының жоғары дәрежелі «Алтын Қыран» орденімен және «Қазақстанның Еңбек Ері» Алтын жұлдызды марапатымен деңгейлес келеді. Осы атақ барысында «Алтын жұлдыз» және «Отан» ордендері қоса тапсырылады. «Халық қаһарманы» атағы 1993 жылы ресми түрде бекітілген.

Айтпақшы, Fokker-100 (Bek Air) ұшағының екінші ұшқышы Вадим Смеречанский Дінмұхамед Қонаевтың жеке ұшқышының немересі болып шықты.

Abai.kz

0 пікір

Үздік материалдар

Құйылсын көшің

Бас газет оралмандарға неге шүйлікті?

Әлімжан Әшімұлы 2146
Әдебиет

«Солай емес пе?»

Ғаббас Қабышұлы 2551
Қоғам

Дос көп пе, дұшпан көп пе?

Әбдірашит Бәкірұлы 2365
Ел іші...

Ұлттық бірегейлену: Қандастардың рөлі қандай?

Омарәлі Әділбекұлы 1661