Сейсенбі, 24 Қараша 2020
COVID-19 ҚАЗАҚСТАНДА. Жұқтырғандар — 126860. Жазылғандар — 113646. Қайтыс болғандар — 1945
Деп жатыр 3712 0 пікір 27 Сәуір, 2016 сағат 14:35

НҰРЛАН ӘЛІМЖАНОВ: МАҒАН ОРЫС ТІЛІНДЕ СӨЙЛЕУ ҚИЫН

Әнші әрі актер Нұрлан Әлімжан журналиске орыс тілінде сұхбат беруден бас тартып, қиналатындығын айтқан.

Бұл туралы Stan.kz  сайты хабарлайды.

Елбасының рөлін сомдап, халықтың жүрегін жаулаған актер орыстілді журналистің өтінішінен бас тартқан. Журналист сұхбатты алдымен қазақ тілінде алып, артынша айтқан сөздерін орыс тілінде айтып беруді өтінген.

Алайда Нұрлан Әлімжан орыс тілінде сұхбаттасуға қиналатынын айтып, журналистің өтінішін орындай алмаған.

Орыстілді журналист Жәнібек Садықовтың айтуынша, диалог келесідегідей жүзеге асқан:

– Қазақша айтқаныңызды орысша айтып беріңізші! – дедім.

– Өтінемін, аудара салыңыз! Маған әрдайым орысша сөйлеу – үлкен стресс! – Нұрлан Әлімжановтың жауабы.

Әншінің бұл әрекетін көрермендері түрліше бағалады. Бірі – ұлтшылдық десе, енді бірі “Өтінбе, Нұрлан!” деп қолдау білдірген.

Abai.kz

 

0 пікір