Бейсенбі, 18 Тамыз 2022
Жаңалықтар 3932 0 пікір 5 Қазан, 2015 сағат 14:07

АСТАНАДА СИРИЯ МӘСЕЛЕСІ ТУРАЛЫ КЕЛІССӨЗ АЯҚТАЛДЫ

Жексенбі күні Астанада аяқталған Сирияға қатысты келіссөзге қатысушылар отырыста қорытынды декларацияны көпшілік дауыспен қабылдады деп хабарлады журналистерге «Сирия христиандары демократия үшін» қозғалысының жетекшісі Бассам Битар.

Оның ақпараты бойынша, қорытынды декларацияға Астанаға келіссөзге қатысқан 37 адамның 29-ы қол қойған. Декларациядағы негізгі тармақтардың бірі «Сирияда халықаралық бақылаушылар қадағалауымен парламент сайлауын өткізу және сайлауға қатысатын барлық кандидаттардың жеке бас қауіпсіздігін қамтамасыз ету» туралы деп хабарланды.

Сириядағы жанжалды реттеуді талқылаудың екінші кезеңі Астанада қазанның 2-і күні басталған. Жабық түрде өткен жиынға Сириядағы әртүрлі оппозициялық қозғалыстар мен топтардан ондаған өкілі қатысты.

Осы аптада Сирияда үкімет әскеріне қарсы соғысып жатқандарға әуеден соққы берген. Ресей билігі шабуыл «ИМ содырларына қарсы жасалды» деп мәлімдеген.

Бірақ Башар Асад билігіне қарулы қарсылық танытып жатқан сириялық оппозиция ресейлік әуе күштері соққы жасаған аймақта ИМ жасағы жоқ екені және шабуылдан бейбіт тұрғындар қаза тапқаны туралы хабарлаған.

Абай-ақпарат

0 пікір

Үздік материалдар

Алашорда

Алаш-арман

Бейбіт Қойшыбаев  2753
Білгенге маржан

Хилда Хукхэм және Ұлы қолбасшылар

Бейсенғазы Ұлықбек 2127
Әдебиет

Түс

Ерғали Бақаш 1799
Әне, көрдің бе?

Архимед кімді қорғаштайды?

Жайберген Болатов 2893