Сәрсенбі, 29 Маусым 2022
Жаңалықтар 6903 0 пікір 6 Шілде, 2015 сағат 16:13

Астанада пісірілген "бесбармақ" рекорд кітабына енді

Бүгін Астана қаласындағы Ғашықтар саябағында салмағы 746 келі болатын әлемдегі ең үлкен бесбармақ Астана күнін тойлауға келген халыққа таратылып, артынша ұйымдастырушыларға Гиннестің рекордтар кітабының сертификаты табыс етілді. Бұл туралы ҚазАқпарат хабарлады.

Шараны Қазақстан халқы Ассамблеясы мен Қазақ география қоғамы «Тайқазан» акциясы аясында ұйымдастырған.

«Бұл тағамды дайындауға шамамен 500 келіден астам ет, 300 келіге жуық пияз, 300 келі ұн сатып алынған болатын. Дегенмен Гиннес рекордтар кітабының талабы орындалғандықтан, олардың барлығы қазанға салынған жоқ. Нәтижесінде дайын болған еттің салмағы 750 келіге жуық болды. Бүгін Түркиядан арнайы келген Гиннес рекордтар кітабының өкілі осы тағамды өлшеп, рекордтар кітабына енгізді», - деп атап өтті ұйымдастырушылар.

Ұйымдастырушылардың айтуынша, етті пісіруге елорданың ірі мейрамханаларынан шақырылған 20 шақты бас азпаз, 20 шақты даяшы мен еріктілер қатысты.

 

Абай-ақпарат

0 пікір