Сәрсенбі, 5 Қазан 2022
Жаңалықтар 4884 0 пікір 2 Қазан, 2014 сағат 11:59

Б.БАЙБЕК: ҚАЗАҚСТАН ПАРА АЛУ БОЙЫНША 80-ОРЫНДА

Бейресми төлемдер мен пара беру бойынша Қазақстан 144 елдің арасында 80-орында тұр. Бұл туралы бүгін 2015-2025 жылдарға арналған сыбайлас жемқорлыққа қарсы іс-қимыл бағдарламасын талқылау барысында «Нұр Отан» партиясы төрағасының бірінші орынбасары Бауыржан Байбек мәлім еткен. Бұл туралы Bnews.kz жазды.

 «Халықтың билікке деген сенімі тұрмыстық жемқорлықтың деңгейімен анықталады. Тұрмыстағы жемқорлық дегеніміз – қарайым азаматтар мен шағын және орта бизнес өкілдері, кәсіпкерлер мемлекеттік қызметті пайдаланғанда күн сайын жолығып жүрген сансыз кедергілер. Бәсекеге қабілеттіліктің жаһандық индексінің 2014-2025 жылдарға арналған есебіне қарасақ, Қазақстанда бизнес жүргізудің ең басты проблемасы сыбайлас жемқорлық екенін анық байқауға болады. Бейресми төлемдер мен пара беру бойынша еліміз 144 елдің арасында 80-орын алады екен. Осыған байланысты, «Нұр Отан» жемқорлыққа қарсы іс-қимылдар бағдарламасының жобасында бизнестің шынайы проблемасын барынша ашық көрсетіп, оны жою жолдарын ұсынып отыр»,- деген жиын барысында Б.Байбек.

Абай-ақпарат

0 пікір