Жексенбі, 23 Маусым 2024
1517 0 пікір 23 Мамыр, 2023 сағат 15:19

Абай облысында орман өрті 1,1 мың гектарға тарады

Абай облысында дала өрті ауыздықталар емес, деп хабарлайды Ulysmedia.kz.

22 мамырда Ресейдің Алтай өлкесінің аумағындағы Новенькое ауылының маңында құрғақ шөп жанып, жалын «Семей орманы» табиғи резерваты аумағына тараған болатын.

«Орман шаруашылығының алдына ала мәліметі бойынша, өрттің ауданы 1100 га құрайды. Елді мекендерге қауіп жоқ. Тілсіз жаумен күрес 2 учаскеде жүріп жатыр: Ивановка ауылы, Ауыл станциясы», - делінген ТЖМ мәліметте.

Өртті сөндіруге барлығы 88 техника (1 өрт пойызы), 259 адам жұмылдырылды (»Семей Орманы«МОТР 56 техника, 147 адам, ҚР ТЖМ 27 техника және 98 жеке құрам, Қазақстан темір жолының 1 өрт сөндіру пойызы, 10 адам, жергілікті атқарушы органдардың 4 техникасы, 4 адам). Сондай-ақ, Қазавиақұтқару МИ-873 тікұшағы тарталды.

Халықты хабардар ету және Ивановка ауылы мен Березовка санаторийіне іргелес аумақты қарауылдау үшін жергілікті полиция қызметкерлері жұмыс істеп жатыр.

«Төтенше жағдайлар министрлігінде және Департаменттің дағдарыс орталығында жедел штабтар ұйымдастырылды. Жедел желі телефондары жұмыс жасап тұр. РФ ТЖМ ММ тарапынан Алтай өлкесі бойынша 26 л/с және 6 АЦ, 1 трактор (алдын ала ауданы 12 га) тартылды. 23 мамыр сағат 05:00-дегі жағдай бойынша Алтай өлкесінің аумағындағы өрт жойылды. Екпінді жел өрт сөндіру жұмыстарын қиындатып отыр. Салдарынан жалын төменнен жоғарыға тез тарауда», - делінген министрлік хабарламасында.

Abai.kz

0 пікір