Жұма, 29 Наурыз 2024
Жаңалықтар 3441 0 пікір 27 Ақпан, 2013 сағат 10:45

Табыт ұшақ

"ҚАЗА БОЛҒАНДАРДЫҢ ОБАЛ-САУАБЫ ПАРАҚОР ШЕНДIЛЕРДIҢ МОЙНЫНДА"

...Алматыдан Астанаға қатынайтын Airbus жолаушылар ұшағы зiкiр салған бақсыдай дiгiрлеп көкке көтерiле бергенде жанымда отыр­ған орта жастағы кiсi күбiрлеп иманын үйiре бастады: "Я, Раббым! Я, Раббым! Аман-есен жеткiзе гөр! Бiлiп-бiлмей iстеген күнәларымды кеше гөр!..".

"Апыр-ай, ә! Мынау бiр бәленi сезiп отыр ма, қалай өзi?" деп өзiңнен-өзiң ма­заң қашады екен. Жолаушылардың көбiнде түр жоқ. Жете ала­мыз ба, жоқ па деген үрей бар көзде­рiнде.

Ұшақ көкке көтерiлiп, жол жорғаға салғандай қалыпты жүрiске көшкенде белдiктi шешiп жайланып отырып, әлгi кiсiнi сөзге тарт­тым. Бiлдей бiр ми­нистр­­лiкте жауапты қызмет iстейдi екен.

"Әрi-берi жиi ұшамын. Жұмыс бабы солай. Бұрын мұндай фобия (тiзгiнсiз қор­қыныш - Е.Б.) деген бәле жоқ едi бойымда. Қайта-қайта ұшақ құлағалы берi пайда болды. Пойызбен-ақ жүргiм келедi, бiрақ оған уақыт тапшы. Ұшаққа мiн­бес­ке амал жоқ. Мына бiз­дiң ұшақтарға сенбеймiн. Жемқорлық барлық саланы жайлап алды. Әскерилердi опат жасаған Ан-72 ұшағын жөндедiк деп өтiрiк құжат берiптi ғой. Қаза болғандардың обал-сауабы парақор шендiлердiң мойнында...", - деп әлгi кiсi әлдене­нiң ұштығын шығарып қойды.

Ұшақ Астананың әуе­жайы­на қонуға жақындағанда ол қайтадан өзiмен-өзi бола қалып, күбiрлей бастады: "Я, Раббым! Я, Раббым!..".

"ҚАЗА БОЛҒАНДАРДЫҢ ОБАЛ-САУАБЫ ПАРАҚОР ШЕНДIЛЕРДIҢ МОЙНЫНДА"

...Алматыдан Астанаға қатынайтын Airbus жолаушылар ұшағы зiкiр салған бақсыдай дiгiрлеп көкке көтерiле бергенде жанымда отыр­ған орта жастағы кiсi күбiрлеп иманын үйiре бастады: "Я, Раббым! Я, Раббым! Аман-есен жеткiзе гөр! Бiлiп-бiлмей iстеген күнәларымды кеше гөр!..".

"Апыр-ай, ә! Мынау бiр бәленi сезiп отыр ма, қалай өзi?" деп өзiңнен-өзiң ма­заң қашады екен. Жолаушылардың көбiнде түр жоқ. Жете ала­мыз ба, жоқ па деген үрей бар көзде­рiнде.

Ұшақ көкке көтерiлiп, жол жорғаға салғандай қалыпты жүрiске көшкенде белдiктi шешiп жайланып отырып, әлгi кiсiнi сөзге тарт­тым. Бiлдей бiр ми­нистр­­лiкте жауапты қызмет iстейдi екен.

"Әрi-берi жиi ұшамын. Жұмыс бабы солай. Бұрын мұндай фобия (тiзгiнсiз қор­қыныш - Е.Б.) деген бәле жоқ едi бойымда. Қайта-қайта ұшақ құлағалы берi пайда болды. Пойызбен-ақ жүргiм келедi, бiрақ оған уақыт тапшы. Ұшаққа мiн­бес­ке амал жоқ. Мына бiз­дiң ұшақтарға сенбеймiн. Жемқорлық барлық саланы жайлап алды. Әскерилердi опат жасаған Ан-72 ұшағын жөндедiк деп өтiрiк құжат берiптi ғой. Қаза болғандардың обал-сауабы парақор шендiлердiң мойнында...", - деп әлгi кiсi әлдене­нiң ұштығын шығарып қойды.

Ұшақ Астананың әуе­жайы­на қонуға жақындағанда ол қайтадан өзiмен-өзi бола қалып, күбiрлей бастады: "Я, Раббым! Я, Раббым!..".

Өткен жексенбiде бас прокурор Асхат Дауылбаев "КТК" теларнасындағы "Слуги народа" бағдарламасында былай дедi: "Қаң­тар айының соңында ғана бiз қарулы күштер генералдарының арасынан "Укрспецэкспорт" өкiлдерiнен пара алған жа­уапты шендi­лердi ұстадық. Бұл iс әскери әуе техникасын жөндеуге қатысты".

Шымкенттiң маңында ҰҚК шекара қызметiнiң басшылары мiнген ұшақ құлап, 27 шекарашы опат болғаннын кейiн қорғаныс министрлiгiнiң қару-жарақ жөнiндегi бас басқармасының бастығы Алмаз Әсенов тұтқындалған болатын. Оған "200 мың доллар пара алды" деген айып тағылды. Бас прокурордың сөзi­не қарағанда, тұтқындаулардың соңы бұл емес.

Бұдан шығатын қорытынды не? Әлдекiмдер авиация саласын майшелпекке айналдырып алған. Мейлi, ол азаматтық авиация болсын, мей­лi әскери авиация болсын. Бұған дәлел Алматы әуежа­йы­на жетпей құлап қалған жолаушылар ұшағы. Осындайды құлақ естiп, көз көрген соң ұшаққа отырғанда қалай қорықпайсың?!

Осыдан кейiн "опат бол­ғандардың обал-сауабы әуе кемесiн "табыт ұшақ­қа" айналдырған парақор шендi­лер­дiң мойнында" демегенде не деймiз?..

Е.Биеке.

«Жас Алаш» газеті

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1581
Алашорда

Қожанов межелеу науқанында (Жалғасы)

Бейбіт Қойшыбаев 2280
Ғибырат

Қайсар рухты ғазиз жан

Мұхтар Құл-Мұхаммед 3606