Бейсенбі, 8 Желтоқсан 2022
505 0 пікір 3 Қазан, 2022 сағат 11:35

Қазақстан мен Малайзия: Тікелей әуе рейстері ашылады

Қазақстан мен Малайзия арасында тікелей әуе рейстері ашылмақ. Бұл туралы ҚР Индустрия және инфрақұрылымдық даму министрлігі хабарлады.

Халықаралық азаматтық авиация ұйымы (ИКАО) Ассамблеясының 41-ші сессиясы аясында ҚР ИИДМ Азаматтық авиация комитетінің төрағасы Талғат Ластаев бастаған қазақстандық делегация Малайзияның авиациялық билік өкілдерімен келіссөздер жүргізді.

Басқосуға Малайзия тарапынан аталған мемлекеттің әуе билігінің директоры Датук Честер Ву Көлік министрлігі өкілдері, Оңтүстік-Шығыс Азиядағы ең ірі лоукостер "Air Asia" және "Malaysia Airlines" басшылығы қатысты.

Кездесу барысында тараптар Қазақстан мен Малайзия арасындағы тікелей әуе қатынасын жаңарту мәселелерін талқылады.

Бұған дейін, 2019 жылы Covid-19 пандемиясының алдында Азаматтық авиация комитеті "Air Asia" әуекомпаниясының Қазақстанға рейстерін ашу бойынша жұмыс жүргізген болатын. Алайда ол карантиндік шектеулерге байланысты тоқтатылды.

Қазақстандық тарап Мемлекет басшысының тапсырмасы бойынша Қазақстанда енгізілген "ашық аспан" режимін пайдалануды ұсынды.

Ірі төмен бюджеттік "Air Asia" әуекомпаниясы басшылығының ақпараты бойынша 2023 жылы Куала-Лумпурдан Қазақстанға одан әрі қарай үшінші елге ұшатын рейстерді іске қосу жоспарлануда (ауа еркіндігінің 5-ші дәрежесі).

Тікелей рейсті іске қосудың техникалық мәселелерін пысықтау үшін биылғы қазан айында "Air Asia" әуекомпаниясының атқарушы директоры Бенджамин Исмаил Қазақстанға арнайы сапармен келмек.

 

Abai.kz

0 пікір

Үздік материалдар

Құйылсын көшің

Қандастар қазаққа, Қазақстанға не берді?

Райыс Әріпжанұлы 2588
Алашорда

Түркілік тек және түркі-моғол бірлігі

Жәди Шәкенұлы 1670
Қауіп еткеннен айтамын

Газдың геосаяси «геморройы»

Әміржан Қосан 1847