Бейсенбі, 6 Қазан 2022
1124 9 пікір 16 Тамыз, 2022 сағат 14:05

Қазақстанда инфляция өршіп тұр

Үкімет отырысында ҚР Ұлттық банкі төрағасының орынбасары Ақылжан Баймағамбетов экономикадағы жоғары инфляциялық қысымның сақталып отырғаны туралы баяндады.

"Шілдеде Қазақстанда айлық инфляцияның өсу қарқыны бұрынғысынша жоғары деңгейде болғанымен, бір ай бұрынғы 1,6%-дан 1,1%-ға дейін төмендеді. Орташа алғанда, соңғы бес жылда шілдеде айлық инфляция 0,3%-ды құрады. Баға өсімінің бәсеңдеуі жеміс-көкөніс өнімдері құнының маусымдық төмендеуінің әсерінен орын алды. Тұтыну бағасының өсу қарқынының анағұрлым елеулі бәсеңдеуі жалғасып жатқан ынталандырушы фискалдық саясат аясында экономикадағы сұраныстың жалғасуы, жалғасып жатқан геосаяси шиеленіс және соған байланысты нарықтық теңгерімсіздік жағдайында экономиканың сыртқы және ішкі секторларындағы қысым кедергі келтіреді. Осының аясында шілдеде жылдық инфляция 14,5%-дан 15%-ға дейін өсті", - дейді Қазақстан Республикасы Ұлттық банкі төрағасының орынбасары Ақылжан Баймағамбетов.

Сонымен бірге, оның айтуынша, инфляцияға үлестің жартысынан астамы азық-түлік бағасының өсуі есебінен жалғасуда.

Abai.kz

9 пікір