Жұма, 7 Қазан 2022
672 1 пікір 16 Тамыз, 2022 сағат 13:38

Оқу жылы екі аптаға ұзартылды

Қазақстан мектептерінде оқу жылы екі аптаға ұзартылды. Cәйкесінше оқу жылындағы демалыстар уақыты төмендегідей өзгертілді :

күзде жеті күн - 31 қазаннан 6 қарашаға дейін;

қыста тоғыз күн - 31 желтоқсаннан 8 қаңтарға дейін;

көктемде тоғыз күн -18-26 наурызға дейін болмақ.

Осыған дейінгі оқу жылы аясындағы 30 күндік демалыс 25 күнге қысқарды. Бірінші сынып оқушыларына ақпанның 6-12 аралығында қосымша демалыс қарастырылған. Оқу жылы 31 мамырда аяқталмақ. Жазғы демалыс 1 маусымнан 1 қыркүйекке дейін жалғасады.

Оқу-ағарту министрлігі сарапшылардың осыған дейін оқу жылын ұзарту жөнінде бірнеше рет өтініш түсіргенін айтады. Олар әлемде ең ұзақ каникул- 130 күн Қазақстанда екенін, басқа елдерде 80- 100 күннен аспайтынын есепке алған.

Шілде айында министрліктің жобасы қоғам талқысына түсіп, көптеген ата-ана оқу жылының ұзарғанына қарсы шыққан болатын. Оқу-ағарту министрлігі оқу жылының ұзартылғаны күнделікті пәндерді азайтуға мүмкіндік беретінін айтады.

 

Abai.kz

1 пікір