Дүйсенбі, 27 Маусым 2022
676 0 пікір 20 Маусым, 2022 сағат 13:31

Рахмон: "Бадахшанда басқа амалымыз болмады"

Тәжікстан президенті Эмомали Рахмон 18 маусымда Дангара ауданында жергілікті және республикалық органдардың жетекшілерімен кездесіп, Таулы Бадахшанда болған оқиға жайында айтты. Ол қаруланған адамдарды жоюға бұйрық бергенін, басқа амалы болмағанын айтты.

“Рушанда аудан төрағасын, төраға орынбасарын сабады, түсінесіздер ме, әйелді, тәжікті...Ұлттық қауіпсіздік колоннасы келгенде, 13 әскериді жаралады. Бір офицер қаза болды. Басқа амал қалмады. Олардың қаруланып алған. Рушанда көпірді жармақ болды. Мен күш құрылымдарына мүмкін болғанша, олардың көзін жоюға және қамауға алуға бұйрық бердім. Мемлекет міндеті – азаматтардың қауіпсіздігін қамтамасыз ету, бұл міндетті атқару мемлекеттікі және мемлекет басшысыныкі”, - деді тәжік президенті.

Эмомали Рахмон Таулы Бадахшандағы тәртіпсіздік үшін “шағын топтарды” айыптап, аймақтың негізгі тұрғындары кінәлі емес деді:

“Отыз жыл. Бұл жылдар аралығында күш құрылымдары олардан 3-4 мың оқ-дәрі алды. Оларды шетелден басқарып отырды. Қысқа мерзімде оларға 2,3 млн доллар қаражат бөлген. Оларды басқарып отырған Ислам қайта жаңғыру террористік партиясы және жетекшісі. Мақсат – төңкеріс жасау”.

Президент бұл қаражат аймаққа қалай жеткенін айтпады. Билік өкілдері осыған дейін елдегі оппозиция белсенділерінен 13 000 доллардан кем емес ақша тәркілегенін мәлімдеген. Оппозиция өкілдері мұны теріске шығарды.

Таулы Бадахшан автоном облысында 16-17 мамырда жергілікті тұрғындар жаппай көтеріліп, облыс әкімінің қызметінен кетуін талап еткен. Толқу кезінде бірнеше адам қайтыс болды. Жергілікті БАҚ мәліметінше, 16 адам қайтыс болып, 220 адам жараланған. Тәуелсіз ақпарат құралдары қайтыс болған адамдардың саны 30-дан асатынын айтады. Аймақта телефон және интернет байланысы болмады.

Abai.kz

0 пікір