Дүйсенбі, 18 Қазан 2021
Апат 2003 1 пікір 14 Шілде, 2021 сағат 14:52

Балқаш көлі Аралдың кебін кие ме?..

Lake Balkhash, satellite image. This lake, located in south-eastern Kazakhstan, is the second largest in Central Asia after the Aral Sea. Composite image obtained using data from the Landsat 5 satellite.

Экологтар Орталық Азиядағы құрғақшылық салдарынан Қазақстандағы Балқаш көлі жоғалып бара жатқанын айтады.

NASA мен Blue Circle мамандары климат өзгеруінің гидрологиялық салдарын зерттей отырып, 2021 жылы үш миллионнан астам адам Балқаштағы таяз сулардың зардабын сезетінін айтады. Себебі, қазірдің өзінде Орталық Азиядағы ең ірі көлдің көгілдір сулары жасыл-қоңыр түсті құрғақ ландшафтқа айналған. Сарапшылар Балқаш көлі Арал теңізінің кебін кие ме деп қорқады.

- Менің ойымша, Іле атырабындағы сулы-батпақты жерлер 50 жыл бұрын Арал теңізі айналасындағы сулы-батпақты жерлерге ұқсайды, - дейді Грейфсвальд университетінің аға ғылыми қызметкері және Дүниежүзілік агроорман шаруашылығы орталығының Орталық Азиядағы кеңсесінің өкілі Нейлс Тевс.

Caspian Policy Center мәліметтері бойынша, Іле өзенінің Қытаймен шектесетін солтүстік-батыс ағыны 1970 жылдардан бастап үнемі қысқарып келеді, ал Қытайда Іле өзені бойында егіншілік пен егін жинау үшін пайдаланылатын жер көлемі соңғы 20 жылда 30 пайызға артқан.

Сондай-ақ, Балқаш тау-кен металлургия зауыты жыл сайын қорғасын, мырыш және мыспен қоса 600 мың тоннаға жуық өндірістік қалдықтарды шығаратыны көрсетілген.

Сарапшылар Балқаш көлінің жоғалуы биоалуантүрліліктің айтарлықтай төмендеуіне әкелетінін баса айтты. Көлдің экожүйесіне 60-тан астам өсімдік түрлері, жойылу қаупі төнген 12 құс және жердің басқа жерінде кездеспейтін алты балық түрі кіреді. Көлдің шығыс бөлігі тұзды, ал батыс жағалауы тұщы сулардың лай ортасы болып саналады, сондықтан жануарлардың өзгеретін ортаға бейімделуі ұзақ уақытты алады деген болжам бар.

Бұған дейін БАҚ Қытайдағы жерді игеру мен күріш алқаптарын кеңейту жұмыстарының қарқынды жүруі - Қазақстандағы ең үлкен көл Балқашқа зор қауіп төндіреді деп жазды.

Тақырыпқа тұздық:

Ресей мен Қытай қыспағындағы Қазақстан

Дайындаған Нұрбике Бексұлтанқызы

Abai.kz

1 пікір