Жексенбі, 25 Шілде 2021
Билік 2117 0 пікір 15 Маусым, 2021 сағат 13:47

Ұлттық қорда 58,5 млрд доллар ақша бар

Қазақстанның Ұлттық қорында 58,5 млрд доллар ақша бар. Бұл туралы Қаржы министрі Ерұлан Жамаубаев есеп беру жиналысында айтты. 

«Бюджеттік процестің маңызды компоненті – ол Ұлттық қор. Биылғы 1 маусымдағы жағдай бойынша оның активі 27,6 трлн теңгені құрады, оның ішінде валюталық портфель 58,5 млрд доллар. Атап айтқанда, 2020 жылдың қорытындысы бойынша Ұлттық қор 744 млрд теңгеге өсті», - деді Е. Жамаубаев.

Оның айтуынша, министрлік тарапынан қордың жинақ қызметін күшейтуге бағытталған жүйелі жұмыстар жүргізіліп жатыр.

«Осы орайда Ұлттық қордан кепілді трансферт көлемін біртіндеп қысқарту бойынша Бюджет кодексіне түзетулер енгізілді. Бұл қадамдар Ұлттық қор активтерінің жинақталуына ықпал етіп, мұнайлы емес тапшылықты біртіндеп төмендетуге мүмкіндік береді», - деді министр.

Abai.kz

0 пікір