Мемлекет басшысы Қасым-Жомарт Тоқаев Үкіметтің кеңейтілген отырысында жаңа міндеттерді орындау үшін жас кадрларды іріктеу қажеттігін айтты. 

«Қазір сапалы жаңа міндеттерді орындау үшін кадрларды ірктеу барынша маңызды міндетке айналады. Жаңа бағдар білімді, табанды, бастамашыл, іскер әрі адал жаңа орындаушыларды көздейді», - деді ҚР Президенті.

Осы ретте Мемлекет басшысы бүгінгі Үкімет отырысына қатысқандар жоғарыда аталған критерийлерге сай келу-келмеуін ойлауы қажеттігін айтты.

«Енді ойланыңыздар: Осы жерде отырған команда аталған критерийлерге сай ма? Үкімет мүшелері, әкімдер өздерінің мүмкіндіктерін парасатты түрде бағалайды деп ойлаймын. Дегенмен, бізде өзін-өзі сынау және мемлекет пайдасы үшін шешім қабылдау қиындау», - деді Қасым-Жомарт Тоқаев.

Abai.kz