Бейсенбі, 13 Тамыз 2020
COVID-19 ҚАЗАҚСТАНДА. Жұқтырғандар — 101372. Жазылғандар — 76756. Қайтыс болғандар — 1269
998 5 пікір 8 Шілде, 2020 сағат 14:03

Алматыда 33 миллион теңгеге қытайлық ПТР-тестілерін заңсыз сатқандар ұсталды

Алматыда 33 миллион теңгеге қытайлық ПТР-тестілерін заңсыз сатқан күдіктілер ұсталды. Бұл туралы Қазақстан қаржы министрлігінің қаржылай мониторинг комитетінің баспасөз қызметі хабарлады. 

«ҚР ҚМ ҚМК Алматы қаласы бойынша Экономикалық тергеу департаментінің қызметкерлері қалалық Полиция департаменті және МКД қызметкерлерімен бірге 7 шілде күні жедел-іздестіру шараларын өткізіп, коронавирусқа ПТР-тестілерді сатқан адамдарды ұстаған. Оларда кәсіпкерлік қызметпен айналысуға рұқсат құжаттары болмаған. Ұсталған тұлғалар жалпы сомасы 32 900 000 теңгеге 7000 ПТР-тестіні заңсыз сатпақ болғаны анықталды. Тексеріс барысында автокөліктен ҚХР өндірілген тағы 2225 ПТР-тесті анықталып, тәркіленді», - делінген сәрсенбіде таратылған хабарда.

Қазіргі таңда аталған факті бойынша ҚР ҚК-нің 214-бабы 1-бөлігіне (заңсыз кәсіпкерлік) сәйкес сотқа дейінгі тергеу ісі қозғалды.

Abai.kz

5 пікір