Бейсенбі, 28 Наурыз 2024
2734 2 пікір 29 Мамыр, 2020 сағат 12:05

Сенат "парламенттік оппозиция" туралы заң жобаларын қабылдады

28 мамырда парламенттің жоғарғы палатасы "Қазақстан парламенті және оның депутаттарының мәртебесі туралы" және "Қазақстан парламентiнiң комитеттерi мен комиссиялары туралы" заңға өзгерістер енгізу туралы заң жобаларын қабылдады.

Сенат отырысында баяндама жасаған мәжіліс депутаты Азат Перуашев "заң жобасындағы негізгі жаңалық" құқықтық ортаға "оппозиция" ұғымының енгізілуі екенін атап өтті.

"Заң жобасында "парламенттік оппозиция" ұғымына берілген анықтамада бұл партиялар, әдетте, билік партиясынан бөлек өзгеше саясат жүргізуге міндетті деген тезис енгізілген. Яғни, біз "оппозициямын" деушілерді парламентте үнсіз жүрмей, белсенді жұмыс жүргізуге, қоғам үшін шын атсалысып, маңызды проблемаларды көтеруге, биліктің саясатына жаңа көзқарасы болып, бөлек ұсыныстарды беруге арнайы итермелеп отырмыз. Осындай партияларға, "парламенттік оппозиция" атағымен шектелмей, сол ұғымды мәртебесі мен құқықтық кепілдіктерімен толықтыруды ұсынып отырмыз" деді Азат Перуашев.

Заң жобасы авторларының айтуынша, құжатта оппозиция үшін "бірқатар құқықтық артықшылықтар қарастырылған". Мысалы, әрбір сессия кезінде парламенттік тыңдау мен үкімет сағаттарын бекіту, үкіметтің заң жобасына балама заң жобасын ұсыну, парламенттің кез-келген іс-шарасына, мәжіліс пен сенаттың бірлескен отырысында сөз сөйлеу құқығына ие.

Парламент депутаттарының бастамасымен жасалған "Қазақстан парламенті мен оның депутаттарының оның мәртебесі туралы конституциялық заңға толықтырулар енгізу туралы" заң жобасы биыл 13 ақпанда үкімет қарауына ұсынылған. Наурыздың 18-інде парламент мәжілісінің қарауына түскен.

Abai.kz

2 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1559
Алашорда

Қожанов межелеу науқанында (Жалғасы)

Бейбіт Қойшыбаев 2249
Ғибырат

Қайсар рухты ғазиз жан

Мұхтар Құл-Мұхаммед 3498