Алматыда коронавирустан жазылған тағы екі адам ауруханадан шықты
Алматыда коронавирустан жазылған тағы екі адам ауруханадан шығарылды, - деп хабарлайды coronavirus2020.kz сайты.
«Екі ер адам бүгін ересек жұқпалы аурулар ауруханасынан шығарылды. 1962 жылы туған азамат 13 наурызда Берлин-Минск-Алматы чартерлік рейсімен келген болатын. Екіншісі - 1995 жылы туған жігіт 15 наурызда Сеул-Алматы рейсімен келді», - деді қалалық Қоғамдық денсаулық сақтау басқармасының басшысы Тілеухан Әбілдаев.
Қазіргі таңда мегаполистен бес науқас сауығып шықты. Енді олар дәрігерлердің бақылауында, 14 күн карантинде болады.
Abai.kz
