Жұма, 29 Наурыз 2024
46 - сөз 4196 5 пікір 3 Желтоқсан, 2019 сағат 12:16

Үлкен қателіктер мен кіші қателіктер

Өмір болған соң, қателеспейтін пенде болмайды. Бірақ, қандай қателіктің болса да: үлкені және кішісі болады. Үлкен қателіктерге: отанын сату, туған ұлтын, дінін, тілін сату, ұлттық құндылықтарын табанға таптау сияқты, яғни, мемлекетін сату жатады. Бұл қателіктер - ең ауыр қылмыс жасағанмен тең. Мұндай үлкен қателіктерді - ешқашан да кешіруге және ұмытуға болмайды.

Ал, кіші қателіктер: жеке басы мен отбасындағы, достар, ағайын-туыстар, таныс пен бейтаныстар арасындағы, ес-ақылдан айрылып, күйіп-жану, тіпті, құрбандыққа дейін бару сияқты махаббатқа, сүйіспеншілікке, жақсы көру мен жек көру сияқты әртүрлі келеңсіз жағдайлардан бастап, ары қарай кете береді. Қанша жерден ауыр болса да, бұл кіші қателіктерді - түзетуге, кешіруге, тіпті, ұмытуға болады.

Жоғарыдағы мен тілге тиек еткен үлкен қателіктерге – қандай жағдай болса да, жол бермеуге тырысуымыз керек. Әйтпесе, бәрі кеш болады.

Адамзат тарихында ең үлкен қылмыс жасаумен пара-пар үлкен қателіктерге ұрынған жеке билеушілер, хандар, патшалар, корольдар, шахтар, үкімет басшылары, президенттер, монахтар, кешегі біз «келмеске кетті» деп жүрген, атың өшкір, Компартия, яғни,СОКП-ның бас хатшылары,т.б. қылышынан қаны тамған жауыздар көп болған. Үлкен қателіктерге ұрынған, ешқашан да тойым дегенді білмейтін, бейбіт халықты қан-қақсатқан ондай билеушілердің өмірінің ақыры – аянышты әрі азапты өліммен аяқталып отырған. Және де олардың тұқым-тұяғы, өрен-жарандары, барша туыстары, қаптаған тілеулестері, табақтастары, жемтіктестері де – солардың  кебін киіп отырған. Оған толып жатқан мысалдар келтіруге болар еді, бірақ, мен осы ой- топшылауыммен ғана шектелгім келеді. Әйтпесе, әңгіме тым ұзарып кетеді.

Ағайындар, қайткенде де үлкен қателіктерге жол бермеуге тырысуымыз әрі жол бермеуіміз керек сияқты. Үлкен Қателіктерді болдырмау – жеке тұлғалардан бастап, барша адамзат атаулыға ортақ - азаматтық парыз дер едім. Айтпақшы, парызды - қарызға алуға болмайды!

Басқаша айтқанда, барша адамзат парызға - қарыз дер едім...

Жұмаш Кенебай

Abai.kz

5 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1575
Алашорда

Қожанов межелеу науқанында (Жалғасы)

Бейбіт Қойшыбаев 2271
Ғибырат

Қайсар рухты ғазиз жан

Мұхтар Құл-Мұхаммед 3584