Jwma, 3 Säuir 2020
COVID-19 QAZAQSTANDA. Jwqtırğandar — 444. Jazılğandar — 28. Qaytıs bolğandar — 3
Jañalıqtar 1331 5 pikir 30 Qırküyek, 2019 sağat 12:21

21 mıñ teñge järdemaqı alğan otbasınıñ eki kompaniyası bar bop şıqtı

21 mıñdı halıqqa jappay taratqan ükimet endi qwjat jüzinde kirisi asıp ketkenderdiñ aqşasın sotpen qaytarudı şındap qolğa alıp jatır. Qarağandıdağı sonday tekseristerde jıl sayın milliondap salıq tölep otırğan otbası järdemaqı alıp kelgeni anıqtaldı. Tört balasına 85 mıñ teñge alğan äulettiñ atında eki kompaniya tirkelgen eken. Al Qarağandınıñ jwmıspen qamtu ortalığı otbasınıñ az qamtılğan äulettiñ qatarına jatpaytının äleumettik jeliden köripti.

Bwl turalı 31 arna habarlaydı.

Ataulı äleumettik kömekti 2 ay boyı alıp kelgen Ardaq Jaqanova keñ sarayday zäulim kottedjde twradı eken. Eki qabattı kotedj küyeui Janbolat Qarjauovtıñ atında resmi tirkelgen. Mwnan özge, 4 balalı otbasınıñ atında eki jekemenşik kompaniya bar. Janbolat Qarjauovtıñ özi zäulim üyde twratının rastap otır.

Eki birdey biznestiñ iesi jıl sayınğı salıq tölemderin eşkimnen jasırmağan. Aşıq derekközderinen käsipkerdiñ är jıldarda memleket qazınasına milliondap aqşa audarğanın eş qiındıqsız anıqtauğa boladı. Degenmen 4 balası üşin memeleketten alıp kelgen 85 mıñ teñgeden oñaylıqpen bas tartqısı joq. Aqşanıñ artığı joq degen Janbolat Qarjauov äleumettik kömekti toqtatıp tastağandardı sotqa beremin dep otır.

«Ülken üy – şeşemniñ kottedji. Biraq meniñ atımda. Eger kömekti toqtatsa, men sotqa berip, sonı däleldeymin. Bersem, däleldegennen keyin ğana özim bas tartamın. Däleldeuge tırısamın», — deydi Qarjauov.

Pk.uchet.kz saytında Janbolat jetekşilik etetin kompaniyalardıñ birinen tüsetin salıq kölemi 4 jılda 2 millionnan bastap, 17 million teñgeden asıptı. Mäselen, käsipker biıl 4 mln 904 mıñ 900 teñge salıq tölegen. Al ekinşi kompaniyası üşin soñğı 3 jılda 8 mln teñgege juıq salıq tölegen.
Dese de Janbolat Qarjauov eki kompaniyanıñ da jağdayı müşkil ekenin aytıp otır. Tipti, biri bankrotqa wşırağan. Sol üşin jwbayına tiesili kölikti de satuına tura kelipti.

Al ädette jasırın tabıstı müdirmey anıqtaytın jwmıspen qamtu ortalığı bwl jolı köpbalalı otbasınıñ tabısın körmey qaldıq deydi. Ardaq Jaqanova qwjat tapsırğanda öziniñ aylığı 50 mıñ teñge, joldası 60 mıñ teñge alatının körsetken. Ortalıq mamandarı otbasınıñ molşılıqta otırğanın äleumettik jeliden körgen.

«Bizdiñ bazada adamnıñ qanday da bir qosımşa avtoköligi bar ma, şotında milliondağan aqşası bar ma nemese atında basqa da twrğın üyler bar ma, mwnday mälimetterdi köre almaymız», — deydi qalalıq jwmıspen qamtu ortalığı basşısınıñ orınbasarı Baqıtnwr Tölipova.

Endi eki ay boyı 85 mıñ teñgeden alğan köpbalalı otbası aqşanı ükimetke qaytaruı mümkin. Jwmıspen qamtu ortalığınıñ mamandarı 170 mıñ teñgeni öndirip alu üşin sotqa arız tüsirgen.

Abai.kz

5 pikir