Jwma, 10 Şilde 2020
COVID-19 QAZAQSTANDA. Jwqtırğandar — 53021. Jazılğandar — 31277. Qaytıs bolğandar — 264
1374 1 pikir 27 Qırküyek, 2019 sağat 15:18

"Policiyağa bağınbağan" belsendi Bolat Smağwlov 4 künge qamaldı

Almatı qalalıq mamandandandırılğan audanaralıq äkimşilik sotı almatılıq belsendi Bolat Smağwlovtı tört täulikke qamau turalı şeşim şığardı. Oğan Äkimşilik kodekstiñ 667-bap 1-tarmağı boyınşa ("Policiya talabına bağınbau") ayıp tağılğan.

Prokuratura ökilderiniñ aytuınşa, 21 qırküyek küni "rwqsat etilmegen miting kezinde" arnayı jasaqqa qarsılıq körsetken. Al ayıptaluşı "mitingide emes, jwmısqa bara jatqan kezde arnayı jasaq alıp ketti" dep sanaydı. İsti sud'ya Baqıt Edilova qaradı.

Almatılıq belsendi Qanat Jaqıpov Facebook-tağı paraqşasında Bolat Smağwlovtı 26 qırküyekte policiya Almalı audandıq policiya basqarmasına äketkenin jazğan.

21 qırküyekte policiya Qazaqstan tıyım salınğan "Qazaqstannıñ demokratiyalıq tañdauı" qozğalısı belgilegen "mitingi orındarında" resmi derek boyınşa şamamen 100 adamdı wstağan. "Rwqsat etilmegen mitingige qatısqan" adamdardıñ köbi birneşe sağattan soñ bosatılğan. Onnan astam adam äkimşilik jazağa tartılğan. Oqiğa kezinde policiyanıñ beybit şeruşilerge küş qoldanğanı habarlanğan.

Halıqaralıq Human Rights Watch adam qwqığın qorğau wyımı Qazaqstandağı soñğı wstaular men qamaulardı sınap, prezident Qasım-Jomart Toqaevtı sayasi reforma jasauğa şaqırdı.

Abai.kz

1 pikir