Júma, 4 Jeltoqsan 2020
COVID-19 QAZAQSTANDA. Júqtyrghandar — 133887. Jazylghandar — 118004. Qaytys bolghandar — 1990
1714 1 pikir 27 Qyrkýiek, 2019 saghat 15:18

"Polisiyagha baghynbaghan" belsendi Bolat Smaghúlov 4 kýnge qamaldy

Almaty qalalyq mamandandandyrylghan audanaralyq әkimshilik soty almatylyq belsendi Bolat Smaghúlovty tórt tәulikke qamau turaly sheshim shyghardy. Oghan Ákimshilik kodeksting 667-bap 1-tarmaghy boyynsha ("Polisiya talabyna baghynbau") aiyp taghylghan.

Prokuratura ókilderining aituynsha, 21 qyrkýiek kýni "rúqsat etilmegen miting kezinde" arnayy jasaqqa qarsylyq kórsetken. Al aiyptalushy "mitingide emes, júmysqa bara jatqan kezde arnayy jasaq alyp ketti" dep sanaydy. Isti sudiya Baqyt Edilova qarady.

Almatylyq belsendi Qanat Jaqypov Facebook-taghy paraqshasynda Bolat Smaghúlovty 26 qyrkýiekte polisiya Almaly audandyq polisiya basqarmasyna әketkenin jazghan.

21 qyrkýiekte polisiya Qazaqstan tyiym salynghan "Qazaqstannyng demokratiyalyq tandauy" qozghalysy belgilegen "mitingi oryndarynda" resmy derek boyynsha shamamen 100 adamdy ústaghan. "Rúqsat etilmegen mitingige qatysqan" adamdardyng kóbi birneshe saghattan song bosatylghan. Onnan astam adam әkimshilik jazagha tartylghan. Oqigha kezinde polisiyanyng beybit sherushilerge kýsh qoldanghany habarlanghan.

Halyqaralyq Human Rights Watch adam qúqyghyn qorghau úiymy Qazaqstandaghy songhy ústaular men qamaulardy synap, preziydent Qasym-Jomart Toqaevty sayasy reforma jasaugha shaqyrdy.

Abai.kz

1 pikir