Jwma, 5 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6606. Qaytıs bolğandar — 52
2062 4 pikir 27 Qırküyek, 2019 sağat 14:07

Almatı oblısı äkiminiñ orınbasarı abaqtığa qamaldı

Sıbaylas jemqorlıqqa qarsı küres qızmeti basşısınıñ birinşi orınbasarı Oljas Bektenov Almatı oblısı äkiminiñ orınbasarı Bağdat Mänizorovtıñ wstalğanı turalı mälimetti rastadı.

«Almatı oblısı äkiminiñ orınbasarı Bağdat Mänizorovtıñ wstalğanı turalı aqparattı rastaymız, qazir ol uaqıtşa qamau izolyatorında. Qazir qılmıstıq kodekstiñ qay babı boyınşa ayıp tağılğanın qarastırıp jatırmız», - dedi Oljas Bektenov.

Bektenov tergeu jwmıstarınıñ qwpiyalılığına baylanıstı özge aqparattı tarata almaytının aytıptı.

«Özderiñiz bilesizder, tergeu qwpiyalığı degen wğım bar, qılmıstıq is jürgizu kodeksiniñ talaptarı bar. Qanday da bir aqparat şıqqan uaqıtta BAQ ökilderine habarlandıramız. Babı äzirşe belgisiz», - dedi ol.

Mänizorov Bağdat Saylanbaywlı 1962 jılı Taldıqorğan oblısı, Kirov audanı, Qwybışev auılında köp balalı şarua otbasında düniege kelgen.

1979-1983 jıldarı bokstan oqıtuşı-trener mamandığı boyınşa Almatıdağı Qazaq Memlekettik dene tärbiesi Institutıtında joğarı bilim aladı.

2000-2002 jıldarı ekonomist-menedjer mamandığı boyınşa Qaztwtınu odağınıñ Qarağandı ekonomikalıq universitetinde ekinşi joğarı bilim aladı.

Alğaş eñbek jolın 1983-1984 jıldar  aralığında Taldıqorğan jasöspirimder sport mektebinde (DYUSŞ) boks jattıqtıruşısı qızmetinde bastadı.

1999-2001 jıldarı Almatı oblısı Köksu audanı äkiminiñ birinşi orınbasarı;

2001 jılı Almatı oblısı Köksu audanınıñ äkimi;

2001-2004 jıldarı Almatı oblısı Aqsu audanınıñ äkimi;

2004-2005 jıldarı Qazaq twtınuşılar odağı basqarma törağasınıñ orınbasarı;

2005-2008 jıldarı «Ayser» JŞS direktorınıñ keñesşisi;

2008 jılı Almatı qalasınıñ jaña Alatau audanınıñ qwrıluı turalı şeşim qabıldanğannan keyin Manizorov Bağdat Saylanbaywlı audan äkimi bolıp tağayındaldı.

Almatı qalasınıñ memlekettik säulet-qwrılıs baqılau basqarmasınıñ basşısı lauazımdarın atqarğan.

2019 jıldıñ aqpan ayınan beri Almatı qalasınıñ qala qwrılısın baqılau basqarmasınıñ basşısı qızmetinde boldı.

Bağdat Mänizorov oblıs äkiminiñ orınbasarı qızmetine osıdan eki ay bwrın ğana, 12-şildede tağayındalğan edi.

Abai.kz

4 pikir