Jwma, 29 Mamır 2020
COVID-19 QAZAQSTANDA. Jwqtırğandar — 9932. Jazılğandar — 4900. Qaytıs bolğandar — 37
Dat 5938 38 pikir 26 Qırküyek, 2019 sağat 12:20

Deputat Quanış Swltanovqa hat!

Qwrmetti Quanış Swltanwlı!

Ädette, biliktiñ wşar basında wzaq jıl qızmet istegen, Otanına qaltqısız adal qızmet atqarğan jäne wltına janı aşığan twlğalardı «Memleket jäne qoğam qayratkeri» dep sıypattap, atın qoşametpen atap jatamız. Keyde sol anıqtauıştıñ aldına «Asa körnekti» degen küşeytkiş  sözdi qoyıp, tipti de aybındı etip körsetemiz. Mwnıñ bäri sol azamattıñ  atqarğan jwmısına tuğan halqınıñ bergen şınayı bağası, tereñ qwrmeti ekeni anıq. Qwdayğa täube, Täuelsiz Qazaqstannıñ otız jıldıq tarihında qoğamnıñ är salasında eñbek etip, mwnday biikke köterilgen, sıy-qwrmetke bölengen ağa-äpkelerimiz az emes.

Al, Sizdi jwrt «Memleket jäne qoğam qayratkeri» nemese «Asa körnekti memleket jäne qoğam qayratkeri» degennen göri, köbinde keşegi «Qızıl «komsomoldıñ közi, bügingi «Parlamenttiñ aqsaqalı» dep atağandı wnatatın siyaqtı. «Halıq aytsa, qalt aytpaydı» degen maqal bosqa şıqpağan eken, jäne bwl ataqtar Sizge qwp jarasatın sekildi. Küli bayağıda kökke wşqan komsomoldıñ tuğan künin Täuelsizdik jıldarında jalaulatıp toylap jürgen ürkerdey toptıñ aldıñğı şebinde tu wstap Siz jüresiz. Parlamet Sizdiñ twraqtı mekeniñizge aynalğan. QazKSR Joğarğı Keñesinen bastap eseptegende, bwl orında tabanı kürektey bes kezek deputat boldıñız. Senattan bosatılıp ediñiz, jılap-eñirep jürip, Mäjiliske kelip jayğastıñız. Eñ joğarğı Zañ şığaruşı organnıñ qwramında jürip, birneşe Komitetti basqardıñız, qosımşa Qazaqstan Respublikası Prezidenti janındağı Adam qwqıqtarı jönindegi komissiyanıñ jäne Qazaqstan Respublikası Bas prokuraturası janındağı Zañdılıqtı qamtamasız etu mäseleleri jönindegi konsul'taciyalıq keñestiñ törağası jäne EQIW reformalau jönindegi körnekti sayasat qayratkerleri keñesiniñ müşesi de bolıp tastadıñız. Arasında, elşilik qızmetke de erniñiz tidi..

Jwrt ne dese, o desin, dau joq, Siz Elbası Nwrswltan Nazarbaev bas bolıp qwrğan Täuelsiz Qazaqstannıñ tarihında atıñız qalatın twlğasız! Täuelsiz memleket qwru tarihanda Siz Wlt Köşbasşısı Nwrswltan Nazarbaevtıñ qasında jürip, ıstıq-suıq künderdiñ bärin Ol kisimen birge basıñızdan ötkizdiñiz. Öz basım Wlı Elimizdiñ bügingi tañdağı jetken jetistikterinde Sizdiñ de ülesiñiz bar dep esepteymin. Al, ketken qatelikter bolsa, ol jauapkerşilikten de Siz eşqayda qaşıp qwtıla almaytınıñız tağı anıq. Sebebi, Täuelsizdik jıldarı Twñğış Prezident jolğa qoyğan auqımdı sayasattı öz deñgeyinde jüzege asıru oñayğa soqqan joq. Wlttıq memleket qwruğa bağıttalğan talpınıstardı bwra tartuşılar men sıyırqwymışaqtatqıştar köp boldı. Öziñiz jaqsı bilesiz, sonıñ biri, biri emes, biregeyi – alıstağı ağayındı Atajwrtına jiyuğa arnalğan Köşi-qon sayasatı.

Köşi-qon – Wlt Köşbasşısı Nwrswltan Nazarbaevtıñ Qazaqstan Täuelsizdigin jariyalaudan bwrın jolğa qoyğan TWÑĞIŞ häm WLI sayasatı. Nwrswltan Äbişwlınıñ kemeñger twlğa, köregen basşı ekenin törtkül düniege birden tanıtqan da – osı alısta jürgen ağayındı Atajwrtqa şaqıru turalı şığarğan BATIL äri TARIHI şeşimi!

Otız jılğa tayau uaqıt işinde bir jarım millionğa juıq qazaq Otanına oraldı. Osı jıldar işinde şuı eñ köp salanıñ biri – osı Köşi-qon boldı desem, artıq aytqandıq bolmas.

Onıñ sebebi, bireu ğana, – Zañdağı şikilik!

Oğan kim kinäli?!

Ärine, birinşi kezekte Siz deputat bolıp otırğan Zañ şığaruşı organ!!!

Men 2015 jıldan beri Mäjilistegi «Halıqtıñ köşi-qonı turalı» zañ jobasın talqılauğa qatısıp kelem. 2015 jılı Jwmıs tobınıñ jetekşisi Mäjilistiñ V şaqırılımınıñ deputatı Gülnar Seytmağambetova boldı. Qwramında Gülmira Isimbaeva, Aldan Smayıl, Nwrtay Sabil'yanov, Qwttıqoja Idırısov, Baqıtbek Smağwl, Almas Twrtaev, Meruert Qazbekovalar otırdı.

Beker obalı käne, osı deputattar meniñ bir wsınısımdı jerge tastamay, talqığa salıp, zañdastırdı. Menimen şektelip qana qalmay, özderi de wsınıs berip, ötkizuge tırıstı. Kerek kezinde qatıstı ministrlerdi dedektip äkelip, swraqtıñ astına alatın. Senesiz be, talqılau tabını kürektey toğız ayğa sozıldı. Tek, «Sottılıq turalı» anıqtama talap etetin 49-baptıñ 9)- tarmağın özgertuge ğana şaması jetpedi, qalğan wsınıstarım tügelge juıq zañğa endi. Är jaña wsınıs qabıldanğan sayın qazirgi Mäjilisi Törağasınıñ orınbasarı Gülmira Istaybekqızı men marqwm, janıñ Jannatta bolğır  Qwttıqoja Idırısov, «Äy, Mwqibek, endi rizasıñ ba?» dep, kezek-kezek swrap, balaşa quanatın.

Al, Senatta Mwrat Baqtiyarwlı, Quanış Aytahanov, Nwrlan Orazalin, Jabal Erğaliev ağalarımız qoldap, quattap berdi.

Söytip, Parlament 2013 jılı tört jılsız azamattıq berilmeytin etip qabıldanıp ketken qatañ zañnıñ iin qayta jibitken bolatın. Qazir qandastarımız «Halıqtıñ köşi-qonı turalı» zañına sol kezde engen özgertuler men tolıqtırulardıñ qızığın körude.

Mine, käsibi etika, biliktilik jäne wltqa degen janaşırlıq dep, osını ayt!

Al, «Sottılıq turalı» anıqtama mäselesi 2017 jılı Düniejüzi qazaqtarınıñ Astanada ötken V qwrıltayında Elbası Nwrswltan Nazarbaevtıñ tapsırmasımen Qazaqstan Respublikası İşki ister ministriniñ 2015 jılğı 4 jeltoqsandağı №992 bwyrığına tolıqtıru engizilu arqılı şeşildi.

2017 jılı «Qazaqstan Respublikasınıñ keybir zañnamalıq aktilerine halıqtıñ jwmıspen qamtıluı jäne köş-qon mäseleleri boyınşa özgerister men tolıqtırular engizu turalı» Zañınıñ jobasına tağı da özgerister men tolıqtırular engizildi. Bwl jolı Jwmıs tobına Mäjilistiñ Vİ şaqırılımınıñ deputatı Käribay Mwsırman jetekşilik etti.

Körşi elderdegi, naqtılap aytaq, bir kezde Siz elşilik qızmet atqarğan Qıtay Halıq Respublikasındağı sayasi jağdaylarğa jäne uaqıt talabına  baylanıstı, atalğan Zañğa tağı biraz özgertuler men tolıqtırular engizu kerek boldı. Äsirese, Qıtaydağı sayasi qısımnıñ kesirinen neşe mıñdağan qandastarımız «Oralman» märtebesiniñ uaqıtın ötkizip alıp, Qazaqstan azamattığına qwjat tapsıra almay qalğan. Qazaqstan Respublikasınıñ «Azamattığı turalı» Zañınıñ 16-1-babınıñ 1) tarmağındağı «Oralmandar» degen sözdi «Etnikalıq qazaqtar» dep özgerte salsa, bwl mäsele avtomattı türde şeşilgeli twr edi.

Osılay wsınıs berdik. Ökinişke oray, qatardağı maman Aslan Qarjaubaevtıñ qarsı aytqan bir auız sözimen qalpaqtay wşırdı Käribay Imanjanwlı! «Abai.kz» aqparattıq portalı arqılı K. Mwsırmanğa «Aşıq hat» jazıp jürip, qayta talqığa salğızdıq. Kärekeñ ezip-qırtıp jürip, tağı  A.Qarjaubaevtıñ sözine bas şwlğıdı da «Halıqtıñ köşi-qonı turalı» Zañınıñ 21-babına «...etnikalıq qazaqtar oralman märtebesi toqtatılğan künnen bastap altı ay işinde onı wzartu turalı ötiniş bere aladı» degen tolıqtıru engip, quşittı da tastadı. «Oralman» märtebesiniñ merzimi altı aydan asıp ketken neşe mıñdağan qandasımız bwl jeñildikten igiliktene almay, jäne şulap qala berdi.

Twñğış Prezident Nwrswltan Nazarbaev öz ökilettigin toqtatuğa nebarı tört-bes-kün qalğanda arnayı Jarlıqpen «Oralman» märtebesiniñ merzimin 2019 jıldıñ 31 jeltoqsanına deyin bir märte wzartıp beru turalı şeşim qabıldap, bwl mäseleni şeşip berip ketti.

Sonday-aq, 2017 jılğı atalğan Zañ jobasın talqılauda «Oralman» atauın «Qandastar» dep özgertu turalı da wsınıs bergemiz. K. Mwsırman joğarğı jaqtıñ iek qağuın kütip, jaltaqtap, onı da jolda qaldırdı. Mine, Prezident aytqan soñ barıp, qayta qwnjıñdap jatır.

Men mwnıñ bärin deputat äri Jwmıs tobınıñ jetekşisi Käribay Mwsırmannıñ Köşi-qon sayasatına qasaqana jasağan qarsılığı häm qiyanatı dep bağalaymın! 

Qwrmetti Quanış Swltanwlı!

«Qazaqstan Respublikasınıñ keybir zañnamalıq aktilerine halıqtıñ jwmıspen qamtıluı jäne köş-qon mäseleleri boyınşa özgerister men tolıqtırular engizu turalı» Zañınıñ jobası, mine, Mäjiliste tağı da talqılanıp jatır. Jwmıs tobınıñ jetekşisi jäne sol – Käribay Mwsırman. Qwramında töredey bolıp Öziñiz otırsız.

Üstimizdegi jıldıñ 27 mausımda sağat 11.00-de Qazaqstan Respublikası Parlamenti Mäjilisiniñ konferenc-zalında ötken osı Zañ jobasınıñ tanıstırılımında Siz birinşi bolıp söz alıp, «Osı köşi-qon zañına nükte qoyatın mezgil jetti!»-dep, zildengeniñiz esimde!

Sol «Nükteñizdiñ» äuselesi keşe belgili boldı! Swltanov – Swltanov bolğalı «Halıqtıñ köşi-qonı turalı» Zañına bergeni «Oralman» atauın özgertu turalı jalğız wsınıs edi. Bir kün ötpey jatıp, tırañ astı!! Eñ qwrığanda, Senatqa barıp qaytsa, armanı ne?! Mäjilistiñ bosağasınan attap şıqpay jatıp omaqastı!!!

Prezident Qasım-Jomart Toqaev Sizdiñ «Bauırlas» degen söziñizdi estise kerek, Öziniñ «Twitter» jelisindegi paraqşasına «Men bwrın aytqanımday, tarihi Otanına oralğan qazaqtarğa qatıstı aytılatın "oralman" sözinen bas tartıp, ornına Qandas terminin qoldanu kerek. Jeti atasın biletin halıqqa "qandas" degen wğım jarasadı», - dep jazdı.

Bilgen adamğa Qasım-Jomart Kemelwlınıñ  «Jeti atasın biletin halıqqa "qandas" degen wğım jarasadı» degen sözinde tereñ mağana twr. Qanşa sıpaylap ayttı desek te salmağı öte auır söz. Basqalardı qoyşı, käri qoydıñ jasınday jası qalğan täp Siz estitin söz emes edi bwl! «Osı bayqws köpten beri şırıldap jür ğoy, Qasım-Jomart Toqaevtıñ saylaualdı bağdarlamasındağı «"Oralman" dep atalıp jwrgen twrğındarımızben jwmıs isteymiz, olardı bizdiñ qoğamımızğa beyimdep, jaqın tartu üşin "Qandastar" dep ataudı wsınamın» - degen sözin de Jwmıs tobına äkelip, oqıp beripti»-dep, bizdi de eskerip, Prezident wsınğan «Qandas» sözin qolday salatın jöniñiz bar-aq edi! Aman ne, alıstan Atajwrt dep kelgen tuıstarıñızğa «Qandas» degen bir auız jılı sözdi qimadıñız!! Ol – ol ma, Öziñizben birge äriptesteriñizdi de ıñğaysız jağdayğa qaldırdıñız. Odan da ökiniştisi, aşınıp otırğan jwrttı arandatıp jibere jazdadıñız!!!

Komsomoldıq tapsırmamen, komunistik öktemdikpen Zañ qabıldaytın zaman bayağıda kelmeske ketken. Qazirgi tañda Zañ «Eger özge halıqaralıq şarttarda közdelmese» degen şartqa qwrmet ete otırıp, deputat Käribay Mwsırmannıñ sob'ektivtik qiyalımen emes, ob'ektiv jağdaydı negiz etip qabıldanadı. Onıñ özinde de sol processti basınan ötkergen, sol salamen wzaq jıl şwğıldanğan biz sekildi täjiribeli mamandarğa qwlaq asqanda ğana jwmıs jemisti bolmaq. Boldı da!

Qazir jaña Prezident Qasım-Jomart Toqaev bilik pen halıqtıñ arasında dialog ornatuğa, ädiletti bilik qwruğa, söytip mıqtı Prezident, ıqpaldı Parlament, esep beretin Ükimet jasaqtauğa janın salıp jatır.

Özgeni bilmesek te Prezident aytqan «Jeti atanı», qaydan şıqqanımızdı biz jaqsı bilemiz. «Swltanov Bäydibektiñ wlınan tusa, men qızınan tarağan jieni edim ğoy, äkem qwralpı adamnıñ saqalına jarmasa bermeyinşi!» dep, osı hattı Sizge jazbay-aq qoyuıma bolatın edi.

Biraq, jazuğa tura keldi.

Sebebi, erteñ Jwmıs tobınıñ otırısında Sizben tağı bir üsteldiñ basında otıramız. Zañ jobasına kirse dep, Käribay Müsırmanğa jiırmanıñ üstinde wsınıs jibergenime biraz uaqıt boldı. Mine, bes otırıs ötti, sonıñ bireui ğana deputat Nwrjan Ältaev jağınan talqığa tüsti. Qalğanı Kärekeñniñ tartpasında közi jäudirep jatır. Kärekeñ öziniñ atınan-aq talqığa salatın uaqıtı boldı, anağan-mınağan siltep, jüre jauap beredi. Qazirge deyingi talqı barısına köz salsaq, atalğan Zañ jobasındağı  halıqtıñ jwmıspen qamtıluı jağına basa män berilip jatır, al köş-qon mäseleleri boyınşa birde-bir özgertu ne tolıqtıru bolğan joq. Mäjilistiñ Zañnama bölimi wsınğan «belgilengen degen söz ayqındalğan degen sözben auıstırılsın» nemese «basqa da zañ aktilerimen degen sözder özge de normativtik qwqıqtıq aktilermen degen sözben auıstırılsın» degen sekildi tehnikalıq qatelerdi tüzetip, qazaq tilindegi mätinderdi orısşağa säykestendirip keledi. Dwrıs ta şığar. Biraq, bwl «özgertulermen» Zañ tüzelip ketpeydi ğoy. Soğan baylanıstı, men öz wsınıstarımdı deputat Baqıtgül Hamenovğa, Nwrjan Ältaevqa jäne bir bölimin Bekbolat Tileuhanğa tapsırdım. Üş deputat erteñ ol wsınıstardı tügel ortağa saladı degen senimdemin. Salmasa, QR Prezidenti janındağı Wlttıq qoğamdıq senim keñesi müşelerimen kelisip, Mäjilis Törağası Nwrlan Zayrollawlı Nığmatulinge hat jazıp, Jwmıs tobınıñ jetekşisi Käribay Imanjanwlına senimsizdik jariyalauımız mümkin! Osılayşa, «Halıqtıñ köşi-qonı turalı» Zañına Siz qoya almağan «nükteni» basqa bir qayırımdı, bilikti deputat kelip qoyuı ıqtimal!!

Zañ jobasın talqılau jeltoqsan ayınıñ besine deyin jalğasatın körinedi. Osı barısta Siz de bosqa qarap otıra bermey, sausağıñızdıñ wşın kişkene qimıldatıp, şöp basın sındıruıñız kerek, Quanış Swltanwlı! Alpıs jılğa tayau at üstinde jürip, bes kezek Parlamenttiñ törinde otırıp,  «Halıqtıñ köşi-qonı turalı» zañına bir  auız söz qospay ketseñiz, «Quanış Swltanov» degen ardaqtı atıñızğa sın emes pe!? Otız jıl Täuelsiz Qazaqstannıñ bilik basında jürip, «Komsomolşı» degen ataqpen tarihqa qalsañız, erteñgi wrpaq bir jerin aşıp külmey me?!!

Sol üşin, deputat qatarlı Sizge de, jeñildeu, biraq mañızı tötenşe zor bir wsınısımdı berip, onı şeşuge küş saluıñızdı ötingeli otırmın. Ayaulı janıñızdı qinap qayteyin, bir ğana wsınıs jetedi Sizge!

Qandastarımızdıñ jiırma eki jıl boyı kenedey jabısqan «Oralman» qalpağınan birden qwtılıp ketui qiın. Sondıqtan, osı jolı şetten kelip, Qazaqstan azamattığın alğan qazaqtardıñ jeke kuäligi men tölqwjatındağı tuğan jerin de bir märte özgertip jazuğa Zañ ayasında mümkindik beruimiz kerek!

Ol üşin, qazir Özderiñiz talqılap jatqan «Halıqtıñ köşi-qonı turalı» Zañınıñ 26-babında «Oralmandardıñ qwqıqtarı men mindetteri» jazılğan. Osı bapqa «Qazaqstan Respublikasınıñ azamattığın alğannan keyin  tuğan jerin twrğılıqtı jerine bir ret  özgertip jazuğa;» degen jaña tarmaq qosa alsañız, mäsele birden şeşilgeli twr.

Aazamattıq alğan ağayın atalğan qwqığınan paydalanıp, Tölqwjatındağı «QHR», «MHR», «Özbekstan», «Resey Federaciyası»... degen tañbalardan qwlantaza qwtıladı. Söytip, prezident Q. Toqaev aytqanday,  «olardı bizdiñ qoğamımızğa beyimdep, jaqın tartu üşin» tipti de dañğıl jol aşıladı. Prezident Qasım-Jomart Kemelwlı da bwl wsınıstı keri qaqpaydı dep oylaymın. Sebebi, bwl – qandastarıñızdıñ qalauı!

Qwrmetti Quanış Swltanwlı!

Sizge tipti jeñilirek bolu üşin, azırıq şeginis jasap, ötken ğasırdıñ eluinşi-alpısınşı jıldarı Qıtaydan Säbettik Qazaqstanğa oralğan qazaqtar turalı bir mäseleni ayta keteyin.

Ömirbayanıñızğa köz salsaq, Siz sol alpısınşı jıldarı at jalın tartıp minip, Sarıözek audanaralıq baspahanasınıñ jwmısşı-baspaşısınan bastağan eñbek jolıñızdı Taldıqorğan, Almatı oblıstarınıñ audandıq gazetterinde korrektor, ädebi qızmetker, bölim meñgeruşisi qızmetterimen jalğastırıpsız (1961-1964 jıldar). Qıtaydan köşip kelgen sol qazaqtardıñ bwrınğı Öskemen, Semey jäne Taldıqorğan oblıstarına kelip jii qonıstanğanın eskersek, jalındı jas tilşi, qıp-qızıl komsomol bolğan Sizdiñ olardıñ pasportındağı «QHR» degen üş äripten körgen qorlığın bilmeuiñiz mümkin emes!

Sol köşpen birge 200 mıñğa tarta qazaqtıñ işinde qazaqtıñ ne bir aymañday ziyalıları men talanttı aqın-jazuşıları, öner şeberleri keldi. Mısalı, sonıñ bireui – İle Qazaq avtonomiyalı oblısınıñ äkimi bolğan keşegi Jağda Babalıq marqwm. Jäkeñiñ tarihşı, etnograf-ğalım, şejireşi bolğanın jwrt jaqsı biledi. 1940 jıldarı qazaq jastarınıñ basın qosıp, astırtın wlt-azattıq wyım qwrğan qoğam qayratkeri ekeni tarihta jazulı twr. Qıtay memlekettik armiyasında türli basşılıq qızmetter atqarğan twlğa. Qajığwmar Şabdanwlı öziniñ altı tomdıq «Qılmıs» romanında Jağda Babalıqwlın adal azamat, bilimdar twlğa, nağız qazaq ziyalısı retinde suretteydi. Sol Jäkeñniñ Säbettik Qazaqstandağı «qızmeti» «Mädeniet jäne twrmıs» jurnalında hat tirkeuşisi boludan arığa bara almaptı.

Ürimjide Mädeniet ministri bolğan, «Hasen-Jämilä» kinosınıñ cenariin jazğan, ataqtı Tañjarıq Joldıwlınıñ küyeubalası Bwhara Tısqanbaev te audan köleminen  attap şığa almaptı. Arğı bettiñ qazağı añız etip aytatın aqın Nwrsapa Amanjolov, Şıñjañdağı «Şwğıla» jurnalınıñ negizin qalağan aqın Esteu Nüsipbekov pen jazuşı, etnograf  Ahmet Jünisov te audandıq gazetti, orta mekteptiñ mwğalimdigin mise twtıptı...

Ayta bersek, köp!

Qızmetti qoyşı, kezinde bir ölkeni dürildetken esil erlerdiñ KGB-nıñ tañdı tañğa wrğan swrağı men küni boyı baqılauınan tartqan zäbirin oylasam, töbe şaşım tik twradı! KGB-nı bılay qoyğanda, jergilikti halıqtıñ keybir esersoqtarı da «qıtaylap» kün körsetpegen. «Trusı alsañ ju deydi, Jumasañ Qıtaydan kelgen qu deydi!» degen öleñ sonıñ däleli bolsa kerek. Janı jäbir tartqanda «Qıtayda jüre bermey jünjün işip, Säbetke nege keldim kötip qışıp!» dep, ökingenderi de az bolmağan sekildi sol qauımnıñ. Al, Siz qızığın äbden körgen, auzıñızdıñ suı qwrıp ayta beretin komsomolğa, partiyağa ötu degen ol bayqwstarğa qol jetpes arman bolğanı belgili!

Atalğan alpısınşı jıldardağı köşpen kelip, has talantımen, qwrış jigerimen mwz jarıp şığıp, öz ornın tapqan Qabdeş Jwmadilov, Nesipbek Aytwlı jäne Mwhtar Qwl-Mwhammed qatarlı sanaulı ğana twlğalar. Şının aytsaq, olardıñ da jwldızı Täuelsizdikten keyin barıp jarqırap jana bastağanı mälim...

Sonıñ bäri qwjatındağı atıñ öşkir «QHR» («KNR») degen üş äriptiñ kesiri. Qazaqstan Täuelsizdigin alıp, ekinşi köş – biz kelgennen keyin barıp, alpısınşı jıldarı kelgenderdiñ «qıtay» degen qoñırauı moynınan tüskendey boldı.

Ärine, bügin zaman basqa. Alla köp körmesin, otız jılğa juıq Täuelsizdiktiñ auasımen tınıstap, beybit kün keşip jatırmız. Biraq, Qazaqstan azamattığın bayağıda alsaq ta sol «Qoñıraudı» endi bizdiñ qwlaq tübine äkep, älsin-äli şıldıralatıp qoyatındar jetkilikti. Qıtaydan kelgenderi «qıtay», Özbekstannan kelgenderdi «özbek», Moñğoliyadan kelgenderi «qalmaq» dep, kelemejdeytin jwrt az emes. Sirä, olar da Öziñiz sekildi «qızıl komsomoldıñ» qaldıqtarı bolsa kerek! Mıñ bolğır Qasım-Jomart Toqaev osı bäleden bizdi qwtqarğısı keledi. Al, oğan Siz bastağan «Komsomoldıñ tülekter» tis-tırnağımen qarsı!

Qürmetti Quanış Swltanwlı!

Siz alañ bolmañız, «Köşi-qon» kisi qorqatın jäne qomsınatın sayasat emes! Qasım-Jomart Kemelwlı prezident retinde «Egemen Qazaqstan» men «Ayqın» gazetine bergen twñğış swqbatında «Qoğamdıq pikirge qozğau salğan otandastar mäselesin qoldan sayasattandıruğa bolmaydı. Şeteldegi qandastarımızdı («oralman» degen sözge men qarsımın) Atamekenge qaytaru isi eşqaşan nazardan tıs qalğan emes, qalmaydı da. Älemniñ tükpir-tükpirindegi qandastarı­mızdıñ basın tuğan jerde biriktiru – bizdiñ parızımız» ağınan jarıldı.

Prezident bwl sözin 2019 jığı 12 säuirdegi Mañğıstau öñirine jasağan saparı kezinde «Düniejüzindegi qandastarımızdıñ basın tuğan jerde biriktiru – bizdiñ qasietti parızımız» dep jwrt aldında tağı qaytaladı.

Bwl jolı jay aytqan joq, «Qasietti» degen sözdi qosıp ayttı. «Bizdiñ qasietti parızımız» degen söylemge salmaq tüsirip ayttı.

Ol az deseñiz, «Sındarlı qoğamdıq dialog – Qazaqstannıñ twraqtılığı men örkendeuiniñ negizi» attı twñğış Joldauında «Ükimet köşi-qon üderisin basqaru üşin pärmendi şaralar qabıldauı tiis»-dep, tapsırma berdi.

Demek, jaña prezident dästür sabaqtastığın üzbey, «Nwrswltan bastağan Nwrlı köştiñ» öz jalğasın taptıratın boldı. «Jalğasın taptıratın  boldı» degen jay söz, Alla qalasa, Qazaq köşiniñ ekinşi «Altın däuiri» bastalatınına meniñ senimim kämil!

Memleket basşısı Qasım-Jomart Kemelwlınıñ «Oralman» atauın «Qandas» dep özgertuge üş märte den qoyuı tegin emes. Maqsatı – «olardı bizdiñ qoğamımızğa beyimdep, jaqın tartu üşin» ekenin aşıq jäne şegelep twrıp ayttı ğoy! Bizdiñ de armanımız – osı!

Qazaqta «Sıy qılsañ, sıpıra qıl!» degen keremet söz bar. Endeşe, Siz joğarıda men aytqan «Qazaqstan Respublikasınıñ azamattığın alğannan keyin  tuğan jerin twrğılıqtı jerine bir ret  özgertip jazuğa;» degen normanı Jwmıs tobınıñ talqısına wsınıp, zañdastıruğa bar küşiñizdi salıñız! Tağı qaytalap aytayın, bwl – qandastarıñızdıñ üşbu amanatı!

Söytip, «QHR», «MHR»... degen baleden bizdi qwtqarıñız!

Men bastağan wrpaq bwl eñbegiñizdi erlikke balap, Qazaq köşiniñ tarihına «Altın ärippen» jazıp qaldıradı!!

Eñ keremeti, «Komsomolşı Swltanov!» degen attan Öziñiz de qwtılıp, eñ bolmağanda, qandastarıñızdıñ aldında jüziñiz jarqırap jüretin boladı!!!

Auıt Mwqibek

QR Prezidenti janındağı  Wlttıq qoğamdıq senim keñesiniñ müşesi

«DAT» (№871) gazeti

Abai.kz

38 pikir