Särsenbi, 3 Mausım 2020
COVID-19 QAZAQSTANDA. Jwqtırğandar — 11796. Jazılğandar — 5941. Qaytıs bolğandar — 44
1114 2 pikir 26 Qırküyek, 2019 sağat 12:00

Tramp pen Zelenskiy N'yu-Yorkte kezdesti

N'yu-Yorkte AQŞ prezidenti Donal'd Tramp pen Ukraina prezidenti Vladimir Zelenskiy kezdesti. Memleket basşıları alğaş ret jüzdesip otır.

Kezdesude Ukraina prezidenti jemqorlıqpen küres, Ukraina twtastığın qalpına keltiru jäne eldiñ şığısındağı soğısı doğaru - bastı maqsat ekenin mälimdedi. Zelenskiy Ukrainada jemqorlıqqa qarsı sot qwrılğanın habarladı.

Tramp Reseydiñ Qırımdı AQŞ prezidenti Barak Obama äkimşiligi kezinde anneksiyalağanın eske saludı jön körgen. Prezident Zelenskiydiñ Ukrainada jemqorlıqpen küresip jatqanın qwptadı. Tramp Ukrainağa AQŞ wşatın qaru jetkize bastağanın da ayttı. Ol Obamanı kezinde Kievke äskeri kömek körsetpegeni üşin sınadı.

Tramp Resey men Ukraina basşıları kezdesip, ortaq mäselelerdi birge talqılaydı dep ümittenedi. AQŞ prezidentiniñ pikirinşe, mwnday kelissöz jemisti bolar edi.

Zelenskiy AQŞ-tıñ işki sayasatına aralasudı jön körmeytinin eskertip ötti. Zelenskiy AQŞ-qa kömek emes, qoldau swrap kelgenin ayttı.

Mausım ayınıñ soñında prezidentterdiñ telefon arqılı äñgimesine toqtalğan Zelenskiy ol kezde Tramp tarapınan eşqanday qısım körmegenin jäne oğan eşqanday uäde bermegenin mälimdedi. Tramp pen Zelenskiydiñ telefonmen äñgimesiniñ stenogrammasın Aq üy särsenbi küni jariyalağan edi.

Stenogrammağa say, prezidentter ekeuara äñgimede 2020 jılğı prezident saylauına tüsudi josparlaytın demokrat Djo Baydenniñ wlı Hanter Bayden turalı aytqan.

Tramp pen Zelenskiy arasındağı äñgime belgili bolğannan keyin AQŞ ökilder palatasındağı demokrattar Trampqa "bergen sertin bwzğanı üşin" impiçment jariyalau procesin bastağan. 24 qırküyekte ökilder palatasınıñ spikeri Nensi Pelosi "Tramp öziniñ sertin bwzdı, wlttıq qauipsizdigimiz ben saylau institutın satıp ketti" dedi.

Abai.kz
2 pikir