Jwma, 10 Şilde 2020
COVID-19 QAZAQSTANDA. Jwqtırğandar — 54747. Jazılğandar — 31815. Qaytıs bolğandar — 264
1305 3 pikir 25 Qırküyek, 2019 sağat 11:58

Diplomattar Şımkent twrğındarınan qısım körgenin aytqan özbek studentterimen kezdesti

Şımkent qalasındağı Innovaciya akademiyalıq universitetinde oqitın özbek studentteri jaqında äleumettik jeliler arqılı videoündeu jasadı. Onda studentter jergilikti twrğındardan qısım körgenin aytqan.

21 qırküyekte Şımkentte Özbekstan elşisi Saidikrom Niyazhodjaev, Şımkent qalası äkimdiginiñ, Qazaqstan halqı assambleyasınıñ ökilderi qatısqan jinalıs boldı.

Onda Şımkent qalasında oqitın Özbekstan azamattarınıñ qauipsizdigin qamtamasız etu mäselesi de söz boldı. Bwl turalı Özbekstannıñ sırtqı ister ministrligi habarladı.

Özbekstannıñ Qazaqstandağı elşiligi men Almatı qalasındağı bas konsuldığı jağdaydı baqılauğa alğan. Özbek studentterine diplomatiyalıq ökildik qorğauında ekeni habarlanğan.

"Bwl mäsele Şımkent biligimen birge şeşiledi. Jergilikti bilik diplomatiyalıq ökildik jwmısına qoldau körsetip otır" delingen Özbekstan SİM mälimdemesinde.

Abai.kz
3 pikir