Qyzylorda oblysynda jylu beru mausymyna dayyndyq sharalary qarqyndy jýrgizilude. Sala mamandary arnayy nysandardaghy jóndeu júmysy ayaqtalugha jaqyn ekendegin jetkizdi, - dep habarlaydy Abay-aqparat.

Qazirgi kýni aimaqtaghy kommunaldyq kәsiporyndar men әleumettik nysandarda jylu mausymyna dayyndyq júmystary jospargha sәikes atqaryluda.

– Onyng ishinde «Qyzylorda jylu elektr ortalyghynda» – 99, Qyzylorda elektr taratu toraptary kompaniyasynda – 95, «Qyzylorda su jýiesi» mekemesinde 100 prosentke oryndaldy, - dep atap ótti oblys әkimining orynbasary Marat Delmúhanov.

Al oblystyq energetika jәne túrghyn ýi-kommunaldyq sharuashylyghy basqarmasynyng basshysy Medet Usaiyn:

– Qyzylorda qalasy, Belkól kentindegi kazandyqty tabighy gazgha auystyru maqsatynda 183 mln tenge bólinip, qúrylys-montaj júmystary jýrude, - dep atap ótti.

Qyzylorda oblysyndaghy әleumettik nysandaryna 37 myng tonna kómir, 22 myng tonna diyzeli otyny qajet. Qazirgi kýni belgilengen mekemeler jetkizip beru júmystary jýrude.

Basqarma basshysy óz sózinde:

– Qoymada qajetti kómirding әzirge – 92, súiyq otynnyng 90 prosenti bar. Oblystaghy 31 qabyldau punktinde kómir 13-16 myng tenge aralyghynda saudalanyp jatyr. Shúbarkól kómiri – 14900 tenge, Qarajyra kómiri – 15625 tenge, Maykóben kómiri – 16000 tenge, Bogatyri, Jalyn kómiri 13125 tengeden satyluda. Alayda, halyq ony satyp alugha asyghar emes. Jyldaghy әdetpen kýn suyghan kezde ghana qimyldaghan jaghdayda kezek kóbeyip, qiyndyq tuyndauy mýmkin. Sondyqtan qystyng qamyna osy bastan kirisken jón, - dedi.

Al Tabighy monopoliyalardy retteu jәne bәsekelestikti qorghau komiytetining Qyzylorda oblysy boyynsha departamentining basshysy Gýlmira Ótegenova Qyzylorda oblysynda jylu baghasy jyl ayaghyna deyin ózgermeytinin habarlady.

Abai.kz