Qyzylorda qalasynyng túrghyny, jas ónertapqysh Dastan Aytbay reseylik Yandeks kompaniyasynan shaqyrtu aldy,-dep habarlaydy QazAqparat. 

Dastan Aytbay kóptegen innovasiyalyq jobalar boyynsha elge tanylyp keledi. Ol byltyr innovasiyalyq  qúlaqqap jasap shyghardy. Qazir ekining biri qúlaqqapty paydalanady. Degenmen ol qauipsizdikti saqtau barysynda kóptegen qiyndyqtar tudyrady. Dastan qúlaqqaptyng ishine qauipsizdik signalyn ornatqan. Mәselen, kólik, jol-kólik, jedel jәrdem qyzmetterining signaly estilgende qúlaqqaptaghy әuen avtomatty týrde toqtaydy.

Sonday-aq, Dastan virusqa qarsy qorghanys retinde qoldanylatyn arnayy jobany oilap tapty . Oghan «Kafka» baghdarlamasy degen atau berilgen. Ony virusqa qarsy virus deuge negiz bar. Joba boyynsha ol virusty óz qaqpanyna týsiredi. Oghan ózining virustaryn jýktep jibere alady. Nәtiyjesinde jiberilgen virus qaytadan búrynghy «úyasyna» baryp, arqalap kelgen jýgi arqyly ózin-ózi joyyp jiberedi.

«Aldaghy uaqytta óz bilimimdi Resey astanasy - Mәskeu qalasynda jetildirgim keledi. Búl - ýlken tәjiriybe alany. Múnday iri kompaniyamen birge júmys jasau ózime jasalghan ýlken mýmkindik dep sanaymyn», - dedi Dastan Aytbay.

Abai.kz