Seysenbi, 7 Säuir 2020
COVID-19 QAZAQSTANDA. Jwqtırğandar — 662. Jazılğandar — 46. Qaytıs bolğandar — 6
46 - söz 2683 7 pikir 19 Tamız, 2019 sağat 15:25

"Qazaqşa jaqsı biledi ekensiñ" dedi bir qazaq...

"Qazaqşa jaqsı biledi ekensiñ" dedi bir qazaq. Quanu kerek pe, jılau kerek pe?
"Men qazaqpın ğoy endi" dedim.
Tauda bwlaqtıñ bolatındığı siyaqtı, ol bwlaqtıñ boyında jayqalıp ağaş, qwlpırıp gül ösip, sıldırap su ağatını qanşalıqtı zañdılıq bolsa, är wlttıñ özine tän tili men dili boluı da sonşalıqtı zañdılıq qoy.

Ağılşınğa barıp ağılşınşa bilgenine, francuzğa barıp francuzşa bilgenine, orısqa barıp orısşa bilgenine tañdanu bizdiñ sanamızda qanşalıqtı absurd sanalsa, qazaq tilin biletin qazaqqa tañdanu da sonşalıqtı absurd sanalatın kün tusa ğoy şirkin.

Ärine jetpis jıl mıltıq tösep, tamaqqa qanjar taqap mi şayu procesi jürdi. Onıñ saldarın ketiru de oñay emes. Biraq terezeni bir aş. Dalada XXI ğasır, "halıqtar türmesi" qwlağan. Ol türme tek key jandardıñ basında ğana jasap jatır.

Qazir sağan til üyrenuge kedergi joq. Mümkindik köp. Künine 10 söz jattasañ, jılına Ana tiliñde 3650 söz bilip şığasıñ. Bılayşa aytqanda tildi tolıq üyrenesiñ.

Miımızda bir sıltau bar. Ol bilik orıs tilinde, qoğam orıs tildi degen. Biraq künine on söz jattauğa bilik qolıñdı baylap qoymaytının moyındau kerek.

Qazaq tiliniñ mäselesi biliktiñ qwzırımen şeşilmeu kerek. Halıqtıñ işki ıntasımen rettelui tiis. Şındap kelgende halıqtıñ 80% qazaq tilinde söylep ketse, Parlamentte şüldirlep, orıs tilinde zañ qabıldap otırğan deputattar erteñ-aq memlekettik tilde zañ qaray bastaydı.

Sayıp kelgende "Qazaq tili üşin ne istediñ?" dese, "Ana tilimdi jaqsı bilemin" dep jauap qatsañ ol seniñ öz wltıña qosqan ülesiñ. Al qalğanın biliktiñ arı men wjdanı şeşsin. Mıñ jıl bwrın ölip qalğan tilin tiriltken evreyden kem emes şığarmız.

PıSı: Özge tildi de üyrenu kerek.

Ashat Qasenğalidıñ facebook paraqşasınan

Abai.kz

7 pikir