Senbi, 19 Qırküyek 2020
COVID-19 QAZAQSTANDA. Jwqtırğandar — 107134. Jazılğandar — 101610. Qaytıs bolğandar — 1671
46 - söz 2743 3 pikir 6 Tamız, 2019 sağat 12:32

Biz kimdi aldamaqşımız?

LRT qwrılısınıñ jalğastırıluı jäne onıñ oñtaylandırılğan şığındarı turalı.

LRT-nıñ birinşi nwsqası bizge 2,6 mlrd dollarğa şıqqan edi. Oñtaylanğan şığını - 1,5 mlrd. Bwl qısqartu negizinen:
- qarız merzimi 20 jıldan 5 jılğa deyin qısqartu esebinen alındı. Tiisinşe payızdardıñ töleu kerek sanı da azaydı.
⁃ jıljımalı kölikterdi 19-dan 12-ge deyin qısqartu, ayaldama stanciyaların 18-den 11-ge deyin qısqartu, jer astı jäne jayau jürginşiler ötkelderin qısqartu esebinen alındı.

Endi osı mäsele boyınşa meniñ oy pikirim.
Birinşiden, kez kelgen bastauşı qarjıger nesie boyınşa payızdardı tölemey, basqa şottarın, sonımen qatar öz şot közderin paydalansa, bwl müldem tegin aqşa bar degendi bildirmeytinin tüsinedi. Bwl taza şeneunik täsili. Aqşa - ärqaşan qwnı bolatın substanciya. Bwl jay ğana siz qıtaylıqtarğa tölemeytin aqşanı basqa bireuge töleysiz degendi bildiredi. Tiisinşe, şığındar 800 mln. dollarğa qısqarğan joq. Tek siz bwl şığındardı basqa orınğa auıstırdıñız. İs jüzinde, byudjet basqa jerde 600-800 mln.dollar köleminde jetpeytin boladı.

Ekinşiden, eger siz qozğalmalı qwramdı, stanciyalardı, jer astı jäne jayau jürginşiler ötkelderin 40% - ğa qısqartsañız, bwl bastapqıda siz bärin dwrıs josparlamağanıñızdı bildiredi. Tiisinşe, nege siz däl qazir dwrıs josparlap otırmız dep oylay alasızdar? Nege 60,70% emes, 40% - ğa qısqartu boldı?
Men tipti qazir 1.5 + 800 mln nemese 2.3 mlrd dollarğa tolıq joba emes, mügedek sekildi jobanı alatınımızdı aytqım da kelmeydi. Sonda LRT şınayı şığını tek qana 300-450 mln.dollarğa nemese 13-15 % qısqartılsa, funkcionalı 40% qısqartılıp otır.
Nätijesinde, qımbat 2,6 mlrd. dollarlıq, biraq tolıqqandı LRT ornına biz qımbat 2,3 mlrd.dollarlıq tolıq qızmet körsete almaytın jobanı köremiz.

Onısımen qoymay, Astanada bwl jobanı aqtap şığaratın adam ağını joqtığın eskeretin bolsaq, bwl - barlıq 2.5 mlrd dollardı köptegen äleumettik mañızı bar mäselelerdi şeşuge emes, dalağa şaşumen teñ ekenin tüsinemiz.

Marğwlan Seysembaydıñ facebook paraqşasınan

Abai.kz

3 pikir