Ol Arystaghy oqighadan zardap shekken otbasylargha kónil aityp, beybit uaqytta múnday tótenshe oqighalar bolmauy tiyis dedi.
"Elding qorghanys kýshterinde qyzmet etetin barlyq әskeriyler zardap shekkenderding qayghysyna ortaqtasady. Áskery boryshyn óteuge barghan kez kelgen әskery qyzmetker sanaly týrde tәuekelge baryp, jauapkershilikti moynyna alady. Sondyqtan әskery qyzmetker ýshin tәuekelge baru - tabighy qúbylys. Biraq beybit zamanda әriyne, múnday apat bolmauy tiyis, búl qalypty nәrse emes. Sondyqtan qazir jan-jaqty tergeu jýrip jatyr. Kinәliler qatang jauapkershilikke tartylady, eshkim olardy jasyryp, aqtamaydy. Keshirim súrau mәselesi - búl әskery qyzmetkerler, men jәne Arys túrghyndary arasyndaghy mәsele" dedi ministr.
3 shildede Núrlan Ermekbaev ýsh adam qaza tauyp, mynnan astam nysannyng býlinuine sebep bolghan Arystaghy jarylysty "tabighy qúbylys" dep atap, halyqtan "keshirim súraudyng retin kórip túrghan joqpyn" dep mәlimdegen edi. Ministrding mәlimdemesinen keyin әleumettik jeli qoldanushylary onyng pikirin synaghan.
24 mausymda Týrkistan oblysy Arys qalasyndaghy әskery qoyma jaryldy. Densaulyq saqtau ministrligining dereginshe, jarylystan ýsh adam (Arys túrghyny men eki әskeri) qaza tauyp, 400-den astam adam dәriger kómegine jýgingen. Tótenshe jaghday komiytetining mәlimetinshe, Arystaghy ýilerding 85 payyzy býlingen.
Qazaqstan ýkimetining habarlauynsha, jarylys bolghan kýni 39 myng adam óz kýshimen qalany tastap shyqqan, ýsh mynnan astam adam Týrkistan oblysy әkimdigi úsynghan avtobustarmen Shymkentke jetken. 27 mausymda Shymkentte sheruge shyqqan jýzdegen arystyq songhy on jyl ishinde tórtinshi ret jarylys bolghan Arys qalasyna barmaytynyn aityp, biylikten ózderin basqa jaqqa kóshirudi talap etken. Al Týrkistan oblysy әkimdigi men Shymkent әkimdigi "Arys túrghyndaryna beretin ýy joq" degen.
28 mausymda Shymkent pen kórshi eldi mekenderdi uaqytsha panalaghan arystyqtar ýilerine oraldy.
Arys qalasynda búghan deyin birneshe ret jarylys bolghan. 2015 jyly qarashada qaladaghy poligon aumaghyndaghy jarylystan bir adam mert bolghan edi. Resmy aqparat boyynsha, jarylys әskery oq-dәri men óndiris qaldyqtaryn joy kezinde bolghan.
2014 jyly Arystaghy "Qazaqjarylysónerkәsibi" aksionerlik qoghamy aumaghynda bolghan jarylys saldarynan eki adam qaza tapqan.
On jyl búryn, 2009 jyly nauryzda Arystaghy qoymada jarylghysh zattar jarylyp, saqtauly túrghan oq-dәri atylghan. Ol oqighadan tórt adam qaza tauyp, jiyrmagha tarta adam japa shekken edi. Resmy biylik jarylysqa qoymadaghy qarudyng dúrys saqtalmauy jәne jarylghysh zatpen dúrys júmys istemeu sebep boldy dep mәlimdegen.
Abai.kz
