Memleket basshysy tótenshe jaghday bolghan aimaqtan kóshirilgen túrghyndardy ornalastyru boyynsha atqarylyp jatqan júmystardyng barysymen tanysty. Preziydent qauipsiz jerlerge kóshirilgen Arys qalasynyng túrghyndaryn ystyq tamaqpen, medisinalyq jәrdemmen qamtamasyz etip, basqa da barlyq qajetti kómek kórsetudi tapsyrdy.

Qasym-Jomart Toqaev azamattardyng qauipsizdigi men olardyng dýniye-mýlikterining saqtaluyn baqylauda ústau qajettigin eskertti. Memleket basshysy Ishki ister ministrligine, әsirese balalargha erekshe kónil bóludi tapsyrdy.

– Osy tәrtippen júmysty jalghastyrynyzdar. Ýkimetke qalagha jәne onyng túrghyndaryna kómektesu turaly tapsyrma berildi. Qazir biz eng birinshi kezekte adamdardyn, qala túrghyndarynyng qauipsizdigin qamtamasyz etuimiz kerek. Ekinshi – kórsetiletin kómekter. Arnayy qor qúryldy. Arysqa býkil Qazaqstan kómektesedi. Men halyqpen júmys istep jatqan qalanyng júrtshylyghyna, ardagerlerge rizashylyghymdy bildiremin. Jarylystyng sebepterin anyqtau qajet. Qylmystyq is qozghaldy, tergeu-tekseru bastaldy. Eger kinәliler bolsa, olar zanmen qatang jazalanady. Aldaghy uaqytta Arys jarylghysh qúrylghylardyng barlyghynan tazartyluy tiyis, – dedi Qazaqstan Preziydenti.

Qasym-Jomart Toqaev órt pen oq-dәrilerding jarylys bolghan jerlerdi qalpyna keltiru jóninde birqatar naqty tapsyrmalar berdi.

Memleket basshysynyng baspasóz hatshysy Berik Uәly facebook-tegi paraqshasynda Qorghanys ministri Núrlan Ermekbaevtyng Preziydentke Arystaghy jaghdaydy bayandap túrghan sәtinen suretter jariyalady.

Abai.kz