Búl turaly QR Premier-ministri Asqar Mamin býgin Ýkimet otyrysynda mәlimdedi. 

"Memleket basshysy Arys qalasyndaghy oqigha ornyna bardy. Qasym-Jomart Toqaev tapsyrma berdi. Tiyisti sharalar úiymdastyrylyp, Arys túrghyndary qauipsiz aimaqqa kóshirildi. Ókinishke oray, qaza bolghandar bar: bir azamat jәne bir әskery qyzmetshi. Tughan-tuystaryna shyn jýrekten kónil aitamyn. Zardap shekkenderge medisinalyq kómek kórsetiledi", - dedi premier-ministr.

Aqparat qúraldarynyng habarlauynsha, qaza bolghandardyng biri Arys qalasynyng túrghyny eken. Snaryad onyng kóligine týsken. Jarylys saldarynan auyr jaraqat alyp, kóz júmghan.

Qaytys bolghan ekinshi azamat QR Qorghanys ministrliginde kelisimshart boyynsha qyzmet etip jýrgen әskery qyzmetshi eken. Izdeu júmystary jýrgizilgen. Onyng denesi әskery bólimshening janynan tabylghan.

Esterinizge sala keteyik, 24 mausym tanghy saghat 9:20-da Arys qalasynyng manyndaghy әskery qoymada órt shyghyp, artynsha jarylys bolghan. Qala túrghyndary baspanalaryn tastap, qaladan shyghyp ketip jatty. Keyin qala tolyqtay evakuasiyalandy.

Keshe oqigha ornyna Memleket basshysy Qasym-Jomart Toqaev bardy. QR Qorghanys ministrligi, QR Ishki ister ministrligi men Týrkistan oblystyq әkimdigining qyzmetkerleri júmyldyrylghan.

Arys qalasynda bolghan jaghdaygha baylanysty Shymkent qalasy TJ departamentinde "Qauyrt jelisi" júmys isteydi. 8 (7252) 44-94-72.

Abai.kz