Jeksenbi, 18 Sәuir 2021
Sanlaq 2623 4 pikir 20 Mausym, 2019 saghat 13:42

Qyzylordalyq «Qaysar» Qazaqstan kubogynyng finalyna shyqty

Qazaqstan kubogy jartylay finalynyng Qyzylorda qalasynda ótken qarymta kezdesuinde jergilikti «Qaysar» komandasy qostanaylyq «Tobyldy» 3:1 esebimen jenip, aqtyq syngha joldama aldy.

22 mamyr kýni Qostanayda ótken birinshi oiynda «qasqyrlar» 1:0 esebimen jenilip qalghan bolatyn. Aragha aigha juyq uaqyt salyp, Syr boyynda qayta joldary týiisti. Syrt alanda sәtsiz óner kórsetken qyzylordalyqtar óz jerinde shiraq qimyldady. Esepti ózderi ashty. «Qaysardyn» armeniyalyq shabuylshysy Barsegyan 16-shy minutta aiyp soqqysyn tamasha oryndady. Al ekinshi taymda Mbombo esepti eseley týsti. Búghan 89-shy minutta qonaqtar sapynan Arturas Julpa jauap qatty. Eger osy esep saqtalghanda finalgha «Tobyl» óter edi.

Biraq, tóreshi qosqan qosymsha 6 minuttyng sonyna qaray «Tobyldyn» qorghaushysy ózining aiyp alanynda qolmen oinap, qostanaylyq komandanyng qaqpasyna 11 metrlik aiyp doby belgilendi. Nýktege kelgen Barsegyan mýlt ketken joq.

Osylaysha, qos oiynnyng qorytyndysynda 3:2 esebimen jengen «Qaysar» Qazaqstan kubogynyng finalyna shyqty. Endi olar aqtyq synda shymkenttik «Ordabasyny» jengen «Atyraumen» kezdesedi.

Ayta keteyik, «Qaysar» jana ghasyrda Qazaqstan kubogynyng finalynda alghash ret óner kórsetkeli otyr. «Kasqyrlar» búghan deyin finalda eki mәrte baq synaghan. Alghashqysy - 1998 jyly. Almatydaghy Ortalyq stadionda «Qaysar» pavlodarlyq «Ertiske» 1:2 esebimen ese jiberedi. Aragha bir jyl salyp dәl sol stadionda óskemendik «Vostok-Altyn» komandasyn match sonyndaghy penality seriyasynda útyp, kubokqa qol jetkizedi.

Al «Atyrau» futbol kluby ýshinshi jyl qatarynan el kubogynyng finalyna shyghyp otyr. Atyraulyqtar 2018 jyly da, 2017 jyly da finalgha deyin jetip, almatylyq «Qayratqa» ese jibergen bolatyn.

QR Kubogy. Jartylay final. Qarymta match

«Qaysar» – «Tobyl» 3:1 (1:0)

Goldar: 16', 90+6' Barsegyan, 66' Mbombo - 89' Julpa

«Tobyl»: Balaev (Q), Kankava, Kassay, Julpa, Dmitrenko, Jarynbetov, Valiulliyn, Kvekveskiri, Gordeychuk, Sebai, Fediyn.

«Qaysar»: Islamqúlov (Q), Lamanj, Marochkiyn, Graf, Ámirseyitov, Gurman, Taghybergen, Nәrzildaev, Djoshua, Barsegyan, Mbombo

Quanysh Qappas

Abai.kz

4 pikir