Beysenbi, 6 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
2348 4 pikir 3 Mausım, 2019 sağat 10:35

Prezident: Bilimdi adamnıñ şaması bärine jetedi

1-mausım balalardı qorğau küni ekeni. Bwl bizde ğana emes, dünie halqına ortaq äydik data. Sonau 1949 jılı Halıqaralıq demokratiyalıq äyelder federaciyanıñ arnayı sessiyasında qarar qabıldanıp, balalardı qorğau küni bekitilgen. Al 1950 jılı alğaş ret balalardı qorğau küni atalıp ötildi.

Bwl arnaulı kün Qazaqstan jwrtı üşin de tañsıq emes. Jıl sayın türli şaralar Ükimettik, memlekettik deñgeyde ötkizilude. Biıl da salttan aynığan joqpız. Äueli, Memleket basşısı Qasım-Jomart Toqaev bir top darındı balalardı qabıldap, olardı merekemen qwttıqtadı.

Memleket basşısımen kezdesuge el aumağındağı Halıqaralıq jäne respublikalıq olimpiadalardıñ jüldegerleri, oqu üzdikteri men balalar üyiniñ tärbielenuşileri, köp balalı otbasılardıñ balaları men darındı balalar keldi. Olar Qazaqstannıñ är aumağınan jinalğan.

Prezident Qasım-Jomart Toqaev öz kezeginde, balalardı arnayı merekemen qwttıqtadı.

– Qazirgi zamanda bilimdi jäne käsibi maman bolu öte mañızdı. Bilimdi adamnıñ şaması bärine jetedi. Sondıqtan, senderdiñ jasıñda, eñ bastısı, jaqsı oqıp, bilim alu. Elimizdiñ layıqtı azamattarı bolatındarıña senimdimin. Senderge baqıt tileymin, – dedi Qazaqstan Prezidenti.

Qazaqstan prezidentimen kezdesuge wzın-ırğası 40-qa juıq bala kelgen. Olarğa Aqorda rezidenciyasında arnayı ekskuciya wyımdastırıldı.

Ekskursiya barısında Qazaqstan tarihındağı eñ mañızdı şeşimder qabıldanğan arnayı orındar tanıstırıldı. Sonday-aq, Twñğış Prezident Nwrswltan Nazarbaevtıñ Täuelsizdik tarihındağı eñbegine erekşe köñil bölindi.

Abai.kz

4 pikir