Jwma, 10 Şilde 2020
COVID-19 QAZAQSTANDA. Jwqtırğandar — 53021. Jazılğandar — 31277. Qaytıs bolğandar — 264
1313 0 pikir 30 Säuir, 2019 sağat 13:31

#NurOtanPikir pikirtalas alañında jastar mäselesi talqılandı

«Nwr Otan» halıqtıq demokratiyalıq partiyasınıñ Qazaqstan qoğamında alatın ornı erekşe. Partiyanıñ qabırğası qalanğalı bar bolğanı jiırma jıl ğana ötese de, qazirgi tañda elimiz üşin eñ mañızdı partiya sanaladı. Jas Qazaqstan eliniñ täuelsizdik alğalı twraqtılığın joğaltpay, el işinde de, halıqarada da twraqtı damu jolında kele jatuı kezdeysoqtıq emes. Bwl birinşiden Twñğış Prezidentimiz Nwrswltan Nazarbaevtiñ eñbegi. Elbası öz qolımen qwrğan «Nwr Otan» partiyası memleket sayasatın jüzege asıruda ülken jwmıs istep keledi.

Basta aytqan sözimizdi basqa bir qırınan aytar bolsaq, «Nwr Otan» partiyası eldegi eñ bedeldi sayasi wyım ekenine eşkimniñ talası joq. Jaña ğasırdıñ tabaldırığın attağannan beri memlekettik deñgeyde jürip jatqan är jwmıstıñ basında osı partiya twrğanın ekiniñ biri biledi. «Nwr Otan» partiyası qolğa alğan ärbir is halıqtıñ qoldauına bölenip jatadı. Bwnıñ bastı sebebi, partiyanıñ bastı wstanımı halıqtıñ müddesin qorğau bolğandıqtan bolar. Sözimizdiñ twzdığı retinde mına mälimetti keltire keteyik, ötken jılğı sanaq boyınşa, atalğan partiya müşeleriniñ sanı äldeqaşan millionnan asıp ketken eken. Osıdan-aq, «Nwr Otan» partiyasınıñ halıq köñilindegi ornın bayqauğa boladı.

Söz arasında «Nwr Otan» partiyasınıñ är bastaması el igiligi üşin qolğa alınatının ayttıq. Äri bwl bastamalardıñ halıq tarapınan tamaşa qoldauğa bölenetinin de biz eske saldıq. Sol sözimizdiñ dälelin aytayıq, «Nwr Otan» partiyası ötken jılı jeltoqsan ayında memlekettik tildegi #NurOtanPikir jaña pikirtalas alañın aştı. Bwl pikirtalas alañınıñ bastı maqsatı, eldegi eñ özekti mäselelerdi mamandar men basşılar betpe-bet otırıp talqılap, tüytkildi tüyinderdi şeşudiñ tura jolın talqılaydı.

«Nwr Otan» partiyası wyıtqı bolıp otırğan #NurOtanPikir pikirtalas klubında qazaq halqınıñ ruhani qwndılıqtarın däripteu, Elbası wsınısına say tarihi sananı jañğırtu, osı jol arqılı wlttıñ sanasın oyatudı maqsat etken jwmıstar bastı nazarda boladı. Sonımen qatar, mäñgilik mädenietimiz ben memlekettik tildi damıtıp, täuelsiz elimizdiñ tuın biik wstau sındı wlttıq mäseleler de #NurOtanPikir klubınıñ nazarınan tıs qalmaydı. Bwl alañnıñ bastı erekşeligi, basta aytqanmızday jwmıs tek qazaq tilinde jürgiziledi. Osı arqılı eldegi qazaqtildi orta nazarda wstap otırğan mäselelerdi jalpı qoğamnıñ nazarına wsınu közdelgen.

Jaqında «Nur Otan» partiyası Törağasınıñ Birinşi orınbasarı Mäulen Äşimbaevtiñ qatısuımen osı #NurOtanPikir pikirtalas klubınıñ kezekti otırısı ötti. Kezekti otırıstıñ taqırıbı «Jaña älemdegi jastar kelbeti» dep ataldı. Söz basında aytqanımızday, klubtıñ batsı maqsatı qoğamdağı özekti mäselelerdi talqılap, olardı şeşu jolın qarastıru bolatın.

Bärimiz biletindey, 2019 jıldı Elbası Nwrswltan Nazarbaev "Jastar jılı" dep jariyaladı. Soğan oray biıl elimizde jastar sayasatı bwrınğıdan da qarqındı qolğa alınadı. Jastar mäselesi degende, däl qazir küyip twrğan eñ tüytkildi is keybir jastardıñ şetelge ketu mäselesi ekeni sözsiz. Aqparat qwraldarında keybir qazaqstandıq jastardıñ türli sebeptermen şetel asıp jatqanı aytıladı. Osığan baylanıstı Partiya Törağasınıñ orınbasarı Mäulen Äşimbaev öz pikirin ayttı.

Partiya Törağasınıñ Birinşi orınbasarı Mäulen Äşimbaev mwnday täjiribe älemniñ är tükpirinde keñinen tarağan deydi. Onıñ aytuınşa, äleumettik jelide jii talqılanıp jürgen jastardıñ şetelge ketu mäselesine sıñarjaqtı qarauğa bolmaydı. Bwl mäseleniñ de eki qırı bar. Birinşiden, köptegen jastar alıs-jaqın şetelderge bilim alıp, bilikti maman bolıp qalıptasu üşin ketip jatır. Osınday maqsatpen şekara asqan jastar el üşin de, jeke özi üşin de paydalı bağıt wstanıp otır. Mwnday jastarğa şekteu qoyıp, şeñberge qamamağan jön. Qayta olarğa qoldau qajet.

Jan-jağında alpauıt narıqqa bay iri memleketter ornalasqan Qazaqstan üşin jastardıñ şetelde oquı, şeteldi igerui auaday qajet. Sol üşin şetelge şığıp oqıp, bilim alam degen jastardıñ jolı dwrıs. Sondıqtan, "şetelge ketip jatqandardıñ bärine tosqauıl qoyu kerek" degen birjaqtı pikir aytu eşqaşan qajet emes. Biraq, mäseleniñ eki qırı bar ekenin aytqanımızday, keybir jastarımız eldegi äleumettik jağdaylarğa köñli tolmay, şetel asıp jatsa bwl jaqsı emes. Sol üşin bwnday jağdaydı jaqsılap zerttep, jastardıñ bwnday şeşim qabıldauınıñ bastı sebebin tauıp, onıñ aldın alu bärinen mañızdı.

Osılayşa, #NurOtanPikir pikirtalas alañınıñ kezekti otırısı da öte özekti mäselege taldau jasadı. Otırısqa partiya Törağasınıñ Birinşi orınbasarınan bölek,  Aqparat jäne qoğamdıq damu vice-ministri Jwldız Omarbekova, aqın, «Shalqar» radiosınıñ direktorı Qalqaman Sarin, käsipker, İT mamanı Äbutälip Mütäli qatarlı qonaqtar qatıstı. Onıñ bäri de «Jaña älemdegi jastar kelbeti» taqırıbına baylanıstı öz oyların ortağa saldı.

Ayta keteyik, Nur-Otan partiyası el jastarınıñ är salada ösip-örkendeui üşin ünemi qoldau körsetip keledi. Juırda ğana partiya müşeleri osığan wqsas “Jastardı qoldau” attı komissiya otırısın ötkizgen bolatın. Partiyanıñ ortalıq apparatında, jañartılğan qwrammen ötken atalmış jiınnıñ negizi – jastardıñ äleumettik äleuetin köteru jäne är öñirdegi maman tapşılığın joyıp, ondağı är kadrdıñ äleuetin küşeytuge bağıttalğan. Esteriñizde bolsa, osıdan on jıl bwrın Elbası Nwrswltan Äbişwlı Nazarbaevtıñ bastamasımen “Diplommen auılğa” attı joba qolğa alınğan bolatın.

Prezidenttiñ bwl bastamasına memleket tarapınan 5,9 milliard teñge qarjılay qoldau jasaldı. Sonıñ nätijesinde, auıldıq eldi mekenderge oquın bitirip, diplomın qolına alğan 5 904 maman attandı. Olar memleket tarapınan köterme aylıq alumen qatar  eki mıñğa juıq maman twrğın üymen qatılğan bolatın. Al, osı jılı auıldıq jerdi tañdağan mıñnan astam mamanğa 176,0 million teñge köleminde köterme järdemaqı tağayındalğan. Sonımen qatar, 312 diplomdı maman twrğın üy satıp aluğa nemese auıldı jerden baspana saluğa jeñildetilgen nesie qarastırılğan. Ol nesieniñ qwnı 1 029,0 million teñgeni qwraytın körinedi.

Partiyanıñ “Jastardı qoldau” qoldau dep atalğan komissiyasında aldağı uaqıtta osı bağdarlamanı jalğastıru közdelip otırğanı aytıldı.

Qazir auıldıq jerge eñ qajetti mamandıqtar däriger, mwğalim, mal şaruaşılığı salasınıñ mamandarı ekeni belgili. Komissiya otırısında atalğan sala mamandıqtarınıñ ökilderi eger mümkin bolğan jağdayda nesieni merziminen bwrın ötep tastauğa mümkin jasau qajettigin alğa tarttı. Sonımen qatar “Diplommen auılğa” bağdarlamasına memleket atarpınan bölingen qarjınıñ talan-tarajğa tüspey, mwqiyat qadağalanuı kerektigin de qadap ayttı. Sonımen qatar, jastar arasındağı onıñ işinde auıl jastarınıñ äleuetin köteru jöninde biraz özekti taqırıptar talqılanğan bolatın.

Jalpı, partiyanıñ ünemi jastardı qoldap, olardıñ är salada bilim men eñbekti qatar wştastırğan bilikti twlğa boluı üşin ärqaşan öz tarapınan qoldau bildirip kele jatqanı ras. Auıl jastarın qoldaytın  bastamadan bölek, juırda jastar igiligine arnalğan tağı bir paydalı joba boldı. Ol – “Eurasian Book Fair - 2019” attı halıqaralıq kitap körme-järmeñkesi. Bwl aytulı şarağa Nur-Otan partiyasınıñ tälimgeri, Qazaqstan Respublikası Pralamenti Mäjilisiniñ deputatı Baqtiyar Mäken bastağan komissiya müşeleri qatıstı. Ol komissiyanıñ qwramında Qazaqstan Respublikası Parlamenti Mäjilisiniñ deputattarı, ortalıq atqaruşı organnıñ ökilderi men qatar elimizdegi belsendi bastar jäne sol jastardı biriktiretin wyım köşbasşıları qatısqan.

Säuir ayınıñ soñına taman bastalğan atalmış şara Euraziya aumağında mañızı öte joğarı ekenin ayta ketu kerek. Osı mañızdı şarağa Nur-Otan partiyasınıñ atınan partiya janındağı “Jas Otan” jastar qanatınıñ törağası Daniyar Sündetbaev qatısqan bolatın.

Ayta ketetin tağı bir jayt, IV Euraziyalıq Halıqaralıq  kitap körmesi, yağni, “Eurasian Book Fair” jobası – qazaqstandağı gumanitarlıq äriptestikti damıtumen qatar iskerlik äriptestikti nığaytudı közdeydi. Sonıñ negizinde, atalmış kitap järmeñkesi Europa elderimen qatar Täuelsiz Memleketter Dostastığı qwramına kiretin elderiniñ, sonday-aq, Aziya elderiniñ kitap saudası wyımdarı men baspa ortalıqtarın biriktiredi. Sonımen qatar, atalğan wyımdar arasındağı mädeni jäne bilim beru ortalıqtarın da intelleketualdıq maqsatta bir maqsatqa jwmıldıratın asa iri forum. Osınday aytulı, mañızı zor şarada qazaqstandıq jastardıñ da boy körsetip, şet eldik mamandarmen täjiribe almasuına jağday jasap otırğan “Nur Otan” partiyası ekenin de ayta keteyik.

Abai.kz

0 pikir