Búrynghy. Bizde bәri búrynghyday. Saylau deysiz be? Ol da búrynghyday. Kandidattar deysiz be? Olar da búrynghylar... Júrttyng auzyndaghy sóz ghoy búl. Shynynda nege bәri búrynghylar? Preziydent bolmaqqa bekingen 8 adam OSK-gha qújat tapsyryp, til emtihanyn tapsyrdy ghoy. Sol segizdikting sayasattaghy jýrgip ótken jolyna bir kóz sýzip shyghayyqshy...

Qasym-Jomart Toqaev. Biyliktegi bas partiyanyng tóraghasy basshy bolugha layyq dep tanyghan adam. Toqaevtyng da ýlken sayasatta jýrgenine otyz jyldan asty. Jana kadr, jana adam dep aita almaysyz.

Toqaev – búrynghy KSRO deytin qúrama elding Syrtqy ister ministrligining búrynghy qyzmetkeri. Ol – Qazaqstannyng búrynghy Syrtqy ister ministri. Ol – Qazaqstannyng búrynghy premier-ministri. Ol – Qazaqstan Senatynyng búrynghy tóraghasy. Ol – BÚÚ Bas  hatshysynyng búrynghy orynbasary.

Ámirjan Qosanov. Ol – búrynghy jurnalist. Ol – Jastar isi jónindegi memlekettik komiytetting búrynghy basshysy. Qosanov premier-ministrding jәne Ýkimetting búrynghy baspasóz hatshysy. Ol – JSDP-nyng búrynghy basshylarynyng biri.

Daniya Espaeva. Tәuelsizdik tarihynda Qazaqstan preziydenttigine ýmitker túnghysh әiel adam. Dese de, Espaeva da búrynghy bank qyzmetkeri. Búrynghy «BTA Banktin» Aqtóbe oblystyq filialynyng diyrektory bolghan. Búrynghy mәslihat deputaty.  Bank salasynda 30 jyldan astam uaqyt qyzmet etken.

Jambyl Ahmetbekov. Preziydenttikke ekinshi ret týskeli otyr. Ol – búryn mәdeniyet, sosyn sport-turizm basqarmasyn basqarghan. Ol – búryn Qorghaljyng audanynda birqatar qyzmetterdi atqarghan. Ol – búrynghy saylaudyng búrynghy ýmitkeri boldy. Ol – búryn Núrsúltan Nazarbaevtan jenilgen.

Tóleutay Rahymbekov. Ol – búrynghy biznesmen. Sәtbaev qalasy әkiminin, Qaraghandy oblysy әkimining búrynghy orynbasary. Auylsharuashylyghy ministrligining búrynghy departament basshysy. Atalghan ministrlikting búrynghy viyse-ministri.

Amangeldi Taspihov. Búrynghy óndiris salasynyng qyzmetkeri. QR Sauda jәne industriya ministrligining búrynghy qyzmetkeri. Búrynghy Senat deputaty. Búrynghy Mәjilis deputaty.

Sәdibek Týgel. Búrynghy jurnalist. Aqmolada oblys әkimining baspasóz hatshysy bolghan. Búryn «Mening Qazaqstanym» qozghalysyn basqarghan.

Júmatay Áliyev. Búrynghy múghalim. Búryn Ortalyq Aziya uniyversiytetin basqarghan. Búrynghy Mәjilis deputaty.

Jas kategoriyasyna qaray:

Qasym-Jomart Toqaev – 65 jasta;

Ámirjan Qosanov – 54 jasta;

Daniya Espaeva – 58 jasta;

Jambyl Ahmetbekov – 58 jasta;

Tóleutay Rahymbekov – 55 jasta;

Amangeldi Taspihov – 60 jasta;

Sәdibek Týgel – 64 jasta;

Júmatay Áliyev – 67 jasta.

Búl segiz kandidattyng tórteuin partiyalar úsyndy. Ýsheuin qoghamdyq úiymdar, taghy bireuin Kәsipodaqtar federasiyasy tandady.

Mine, mausymda ótetin preziydent saylauynyng ýmitkerleri osy azamattar. Kandidattardyng aldy jetpiske tayaghandar bolsa, salystyrmaly týrde eng jasy – Ámirjan Qosanov eken. Onyng ózi 54 jasta. Segiz ýmitkerding ishinde jasy eluge tolmaghan birde-bir adam joq. Búl óz kezeginde Tәuelsizdik alghan 28 jyldyng ishinde eng qúryghanda preziydenttikke ýmitker bolugha layyq bir adamdy tәrbiyelep shyghara almaghanymyzdy kórsetedi.

Búl azamattardyng barlyghy derlik jogharydaghy búrynghylar degen kategoriyanyng ókilderi. Barlyghy da búrynghylar. Búrynghy deputattar, búrynghy әkimder, búrynghy baspasóz hatshylar... Al býgingiler qayda?

Núrgeldi Ábdighaniyúly

Abai.kz