24 sәuirde Freedom House halyqaralyq qúqyq qorghau úiymy ótken jeksenbide Almaty marafonynda "Shyndyqtan qashyp qútylmaysyn" degen bannermen aksiya ótkizgen belsendilerding ústaluyn aiyptady. Úiym Qazaqstan biyligin olardy bosatugha shaqyrdy.

"Ádil saylau ótkizuge shaqyryp, plakat ilgeni ýshin ghana ústau men qatang jazalau Qazaqstanda ashyq preziydent saylauy ótedi degen ýmitti seyiltedi. Freedom House ústalghan belsendilerdi jedel bosatugha shaqyryp, Qazaqstan ýkimetine azamattarynyng sayasy pikirin qoryqpay aituyna mýmkindik beruin súraydy" dep mәlimdegen úiymnyng Europa jәne Euraziya baghdarlamalary boyynsha diyrektory Mark Berendt.

22 sәuirde Almaty әkimshilik soty qaladaghy marafon kezinde "Shyndyqtan qashyp qútylmaysyn" degen jazuy bar plakat ústap, aksiya ótkizgen belsendiler Ásiya Tólesova men Beybarys Tolymbekovti 15 tәulikke qamaugha qauly etken. Aksiyany kameragha týsirgen taghy ýsh belsendi - Sýiinbiyke Sýleymenova, Aydos Núrbolatov jәne Aygýl Núrbolatovany da "miting ótkizu tәrtibin búzdy" dep tanyp, aiyppúl salghan.

Apta basynda Qazaqstan ishki ister ministri Erlan Túrghymbaev bes belsendi "zandy búzdy" jәne "marafondy ótkizuge kedergi jasady" dep mәlimdegen. Amnesty International halyqaralyq úiymy Ásiya Tólesova men Beybarys Tolymbekovti "ar-ojdan tútqyny" dep tanydy.

Abai.kz