Senbi, 6 Nauryz 2021
46 - sóz 2583 3 pikir 3 Sәuir, 2019 saghat 09:32

Úyatqa da ústaz kerek pe?

Bir jazyp alghan fonogrammasyn myng mәrte tyndatqan faneradan әzer qútylyp edik, endi bir oqyghanyn jýz qaytalaytyn motivatorlar shyqty.

Eldi ayamaydy, bir-birinen shalghay jatqan qalalargha shaqyrady, baqytyn izdegen bayghústar sandalyp anda da barady, mynda da barady, barghan jerinen sýlderin sýiretip keri qaytady, sondaghy estiytinderi – aqyl-esi dúrys әr qazaq otbasynda aitylatyn әdepki qadir-qasiyet, minez-qúlyq, sosyn, jauapkershilik, sodan song – paryz/qaryzdar.

Júrt semiya kórmegendey, mektepte oqymaghanday, uniyversiytet/institut qabyrghasynda dәris tyndap, kәsip iygerip, joghary ne arnayy bilim almaghanday, tipti, kózi ashylyp, on-solyn tanymaghanday, jer moyny qashyq eldi mekenderge shúbyrady. Qújynaghan qara halqy ayaqjolda telegey tenizdey sapyrylysqan shaharlargha aghylady. Eshkim qystap jatqan joq, әrkim óz erkimen, óz ayaghymen keledi.

Ýirenetini ne, er adam elin asyrauy kerek, әiel adam úrpaq órbitui tiyis.

Búl da az, jany qysylghanda, kózi ashyqtary islamgha sýienedi, habary joqtary ata jolyn tandaydy.

Sonda oilaymyn: nege kitapty ashyp ózderi oqyp, qara tanymaydy, úyatqa da ústaz kerek pe, kisilikting qadirin mindetti týrde basqadan estui qajet pe? Ásili, anadan artyq, әkeden asqan qanday ústaz bar? Mamandyq emes, syrttan ýirenetin kәsip emes, Qúday-au, tәlim-tәrbiyeni de kósheden estip keletin boldyq pa?

Týsinbeymin. Men kezinde Bekbolat Tileuhanmen, qatar bolmasa da, jedeqabyl, Poliytehnikalyq institutta oqydym, týsti metaldar metallurgiyasy mamandyghy boyynsha injenerlik kәsipti mengerdik, dúrys, múny ýide ýirene almaysyn, arnayy oqu qajet, al motivatorlargha ne joryq... qosymsha sabaqty qajet etetin kýrdeli pәnder – matematika, geometriya, fizika, himiya, biologiya emes.

Meninshe, әr adam oqshau, elden bólek, ruhany jolynda, beynetin de, zeynetin de, qasiyet-qúndylyghyn da ózi qalyptastyryp, ózi keshui qajet.

Eshkim siz ýshin ómir sýrmeydi, siz ýshin ólmeydi. Árkim óz ómirin ózi sýredi, óz ólimin ózi kóredi.

Bireuding ghúmyryn basqa bireu sýrip bere almaydy. Árbir adam óz ómirine ózi jauapty. Tipti, qala berdi, esh adamda ólim tәjiriybesi joq. Pende – qaranghy, izdenis –jaryq. Býkil әlemdik qaranghylyq aldynda bar adam – ten, qatar, dәlirek aitqanda, birdey soqyr.

Kim bolsa da, taghdyr degen tauqymetten qútylmaydy. Ómirding mәni ómir sýrgende qalyptasady, әli kýnge sheyin eshkim de dәristerden baqytty bolyp ketken joq.

Motivator siqyrshy emes, Abay aitqanday: “Senbe júrtqa, túrsa da qansha maqtap, Áure etedi ishine qulyq saqtap. Ózine sen, ózindi alyp shyghar, Enbeging men aqylyng eki jaqtap”.

Kitap oqyndar, aghayyn, men biletin motivator – kitap, bilim, izdenis.

Baqyt – izdegen adamnyng qolynda. Baqyt degen – baqyt turaly oida. Sondyqtan, baqyttyng bar/joq ekenin ózinnen basqa eshkim bilmeydi.

Didar Amantaydyng facebook paraqshasynan

Abai.kz

3 pikir