Júma, 29 Nauryz 2024
Sanlaq 5288 3 pikir 1 Aqpan, 2019 saghat 15:01

Timur Segizbaevting siqyrly óneri

HH ghasyr halqymyz ýshin jauyryndy múzdatar jauyzdyqtarymen ghana emes, jýrekti jylytar jaqsylyqtarymen de este qaldy. Mәdeniyet pen sport salasyndaghy marqasqa túlghalarymyz ótken ghasyrdyng ózinde-aq el namysyn tu etip kótergen edi. Solardyng biri qazaq sportynyng sanylaghy Timur Segizbaev bolatyn.

Qazaq futbolynyng qara shanyraghy sanalatyn Semey ónirinde tughan Timur Sanjarúly bizding de aladopta alynbaghan enshimiz bar ekenin dәleldep berdi. Biz sekildi futbolgha kesh kelgen halyq ýshin Timurday bir úldyng tughany da maqtan. Tenbil dopta ózgemen terezesin tenestiru mindeti de әne sol Timurlardyng moyynynda!

Almatynyng ortalyq stadionyna «Qayrattyn» oiynyn tamashalaugha bara qalsanyz kórermender qatarynda jasy jetpisten asyp, seksenge tayaghan talay kónekóz jankýierdi kóresiz. Qartayghan jastaryna qaramay «Qayrat» dep úrandaghanda janayqaylary jastardy basyp ozady. Dәl osy futbol sýier aghalarymzdy býgingi Isaeli nemese Arshavinning jankýierleri deuge tipten qimaysyn. Menshe olar ótken ghasyrda últ namysy bolghan “Halyq komandasy - Qayrattyn” qoldaushylary. Anyqyraq aitqanda, Timur Segizbaevtardyng siqyrly ónerine arbalghandar ekeni sózsiz.

Odaqtas respublikalar arasynda Reseyding futboly basqalaryna qaraghanda kósh ilgeri boldy. Tipti KSRO qúramasy әlemdegi alpauyt újymdardyng biri bolghan. Alayda odaq qúramyndaghy Qazaqstan sekildi bodan elderding sporty ozyq bola qoyghan joq. Dese de, myng jerden Mәskeuge baghyndy degeninizben, el namysy sóz bolghan jerde әr últ óz úlynyng shashbauyn kóteretin. Sodan da bolar «Qayrat» kórshiles elderding komandasymen kezdesu ótkizgende býkil qazaqstandyqtar taqymyn qysyp, tileuin tileytin bolghan.

Áriyne, «Qayrat» ta el ýmitin jerge tastamaghan kórinedi. Ózbekting «Pahtakoryna» tizesin batyryp, Mәskeulik komandalarmen de kýsh synasyp túratyn. Sonday sәtte komanda sapynda jasynday jarqyldaghan Timur Segizbaev bar qazaqtyng maqtanyshy bolghan desedi. Qazaq ejelden “bir úlyn maqtasa tóbesin kókke tiygizetin, jamandasa basyn jerge jetkizetin” halyq. Áne sol halyqtyng mahabbatyna bólengen Segizbaev esimi qazaqtyng sayyn dalasynda anyz bolyp esken kórinedi. Aqkónil halyq sýigen úlyn maqtaghanda mәskeuliktering jolda qalyp, tura ataqty Pelening ózimen qatar qoyghan eken. “Timur dopty qaqyrata tepkende qarsylas qaqpasy qaq aiyrlady” dep anyz etetin bolghan.

Solay demegende qaytsyn?! Bótenge bodan bolyp, ózgege esesi ketip jýrgen halyq ózinen tughan bir úldyng basqadan oza shapqanyn kórgende qalay quanbasyn?! KSRO futbol әleminde Timur Segizbaevting jarq etip shygha kelui qazaq halqynyng aibynyn asyryp, mereyin bir kótergeni shyndyq. Onyng ataqty «Spartak» syndy komandalargha gol soghuyn әr qazaq óz jenisi retinde qabyldaghany sózsiz. Dәl sol sәttegi quanysh býgingi bizding Gennadiy Golovkinning jenisine quanghanymyzdan әldeqayda әserli bolsa kerek.

Ol zamanda futbolshylar býgingidey aqsha ýshin, ataq ýshin oinamaytyn. Jankýierler de futboldy býgingidey qyzyq ýshin, bolmasa bukmekerlik kenselerden aqsha útyp alu ýshin kórmeytin. Oiynshylar el men jerding namysy ýshin jasyl alanda janyn salsa; kóp kórermen solardyng tiluin tilep jandaryn shýperekke týiip otyratyn. Osy sózimizding dәleli ýshin aita keteyik, «Qayratqa» qoldau kórsetu ýshin Sәbit Múqanov, Ábdildә Tәjibaev, Shәken Aymanov, Túmanbay Moldaghaliyev syndy últtyng úly túlghalary ortalyq stadiongha jii baratyn bolghan. Osynday adal jankýierleri ýshin Timur Segizbaev, Qúralbek Ordabaev, Seydilda Bayshaqovtar da bar sheberlikterin shygharugha tyrysatyn.

Soldan ongha qaray: Sergey Volgiyn, Timur Segizbaev, Vahid Masudov

Timur Segizbaev bar bolghany 29 jasynda jasyl alangha qosh aitqan. Jaraqat sebebinen. Biraq, futboldaghy sol qysqa ghúmyrynyng ózinde sheberligine talaydy tәnti etip ýlgirgen. Tipti, bodan últty onay-ospaq maqtay bermeytin mәskeulik mamandardyng ózi Timur aghanyng ónerine tamsanyp, talay maqala jazghanyn tarih betteri rastap otyr. Ol kisining oiyn mәneri jayly jazghan mamandardyng kóbi, “30-40 metr alystan goldyq pastar shygharudy únatatyn, keyde sonday qashyqtyqtan qaqpagha soqqy da baghyttap túratyn” deydi. Ári pastarynyng óte dәl, soqqylarynyng súrapyl bolghanyn estelik etip aitady. Osy jerde qazirgi futbol sýier qauymgha týsinikti bolu ýshin aita keteyik, siz ónerine tamsanyp jýrgen Luka Modrich, Kristian Eriksondarynyzdyng oiyn stiyli sol bizding Timur aghagha úqsaytyn bolsa kerek.

Segizbaevting siqyrly ónerin endi saghyna eske alamyz. Ol kisining baqilyq bolghanyna da bir jyldan astam uaqyt ótti. Qayghysy men quanyshy qatar jýretin qazaq osydan bir jyl búryn, tәuelsizdik merekesi qarsanynda qazaqtan shyqqan alghashqy kәsiby futbolshy Timur Sanjarúly Segizbaevti songhy sapargha attandyrghan bolatyn. El esinde qalghan esil er, qazaq futbolynyng qara naryna qanday qúrmet kórsetse de layyq. Osy orayda, songhy kezderi jii aitylyp jýrgen Almatydaghy "ortalyq stadiongha" Timur Segizbaevting esimin bersek degen úsynysty qoldaytynymyzdy aita keteyik.

Quanysh Qappas 

Abai.kz

Foto: uefa.com, sportsffa.kz

3 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2277
Ghibyrat

Qaysar ruhty ghaziz jan

Múhtar Qúl-Múhammed 3594