Seysenbi, 24 Qarasha 2020
COVID-19 QAZAQSTANDA. Júqtyrghandar — 126860. Jazylghandar — 113646. Qaytys bolghandar — 1945
46 - sóz 2342 5 pikir 28 Qantar, 2019 saghat 12:46

Jasa, búzyqtar jyly!

–Balam beri kelshi, – dedim men quanghanymnan atyp túryp,–kinogha týskensing be ne? Instagramda jýrsing ghoy?
Balam jetip kelip, úyaly telefonyma ýnildi de:
–Ikke, kino emes qoy, bóten mektepting ýsh balasyn qatar túrghyzyp qoyyp, on shaqty synyptastarymyzben jabyla úryp tastadyq!
–Ákelshi betti, adam bolayyn depsing ghoy? Myna jyghylghan balany tepkilep jatqan sen be?
–Men ghoy әke.
–Adam bolu degen osy! Ákelshi betti! Ýmmә, ýmmә! Áy, mamasy? Mamasy!
Áyelim keldi.
–Balamyz adam bolypty! Toghyzynshy synypta jýrip, «gruppovoy» tóbeleskke qatysypty!
–Oybuu, ras pa? Naghashy júrtyna habarlap, sýiinshi súrayyn! –degen әielim úyaly telefonyn qúlaghyna jabystyrdy, –Álәu? Mama? Nemereniz mektep aralyq jarysqa, oi, tóbeleske qatysyp, birinshi oryndy jenip alypty! Ne deysiz? Halyqaralyq tóbeleske qatyssyn? Onday tóbeles joq qoy mama! Qatty quanyp otyrmyz! Bizding tәrbie ghoy, bizdin! Iya, iya, ýndemey, ýide jýre berse qayter edik? Aty shyqty! Iya, iya, әleumettik jeli arqyly balamyzdy býkil Qazaqstan tanyp jatyr! Bilim ministrliginen qúttyqtap jatyr!
–Oybaay, myna jyghylghan balanyng ýstine otyra ketken sen be? Ishinen tepkilegen sen ghoy? Qalay, qay jerinen tepkileudi biledi bizding bala! –dedim men quanyshym qoynyma syimay. Bir kezde mektep diyrektory kelip, qolymdy qysyp, silkilep túryp aldy:
–Sizding úlynyz ýlken erlik jasady! Múnday jaghday búryn–sondy bolghan emes! Qatty әser etti. Quanghanymyzdan bútymyzgha jiberip qoya jazdadyq! Bizding mektepting abyroyyn asqaqtatqan balanyzgha qarghys... oi, alghys gramotasyn alyp keldim! Ózimizding mektepting balasyn úrmay, bóten mektepting oqushylaryn synyptastarymen jabyla úryp qúlatqan ghoy?! Bәri jabylyp úrghan! Ne degen tatulyq, ne degen birlik, ne degen yntymaq desenizshi? Birigip úru degen– tatulyqtyng belgisi! Biylghy jastar jyly osynday bolsa kerek!
Men mektep diyrektoryn qúshaqtay aldym. Onyng kózderi kýlimdep, kәdimgidey masayrap qaldy.
–Áke, tiline temekining shoghyn bastym ghoy! –dep masattandy balam. Diyrektor onyng arqasynan qaqty.
–Áke, sheshesinen boqtadyq!
–Ádeby tilde boqtaghany qanday jaqsy bolghan! –dep diyrektor odan sayyn maqtandy.
–Ólip qalsa she? –dep qaldy әielim.
–Oy, onday oqighalar kýn ara bolyp jatyr emes pe? Polisiya degen keybir siyrdyng aldyna bir qapshyq jonyshqa, oy keshiriniz, aqsha tastay salsaq, sony jeeep túra beredi olar, –dedim men. Ne kerek, bir kezde polisiya tergeushileri kelip, biri qolymdy aldy.
–Tәrtipsizúly Búzyqbaydyng әkesi siz be? –dep súrady ol.
–Iya.
–Qútty bolsyn! Balanyz ýshin kurortqa otyz kýndik joldama aldynyz!
Netken quanysh, netken, baqyt, on kýn boldy, týrmening tórinde demalyp jatyrmyn! Baqa bolsyn, basqa bolsyn, balamnyng arqasynda! Jasa, búzyqtar jyly!

Múhtar Sherimning facebook paraqshasynan

Abai.kz

5 pikir