Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
1777 0 pikir 26 Jeltoqsan, 2018 sağat 11:03

Ükimette Suarmalı jerlerdi damıtudıñ 2028 jılğa deyingi josparı bekitildi

Bügin QR Prem'er-Ministri Baqıtjan Sağıntaevtıñ törağalığımen ötken QR Ükimetiniñ otırısında 2028 jılğa deyin suarmalı jerlerdi damıtu josparı qaraldı. Jospar jobasın auıl şaruaşılığınıñ birinşi vice-ministri Arman Evniev tanıstırdı.

Bağdarlamanıñ negizgi maqsatı — 3,5 mln ga suarmalı jerdi suaru suımen qamtamasız etu. Bügingi tañda suarmalı jerlerdiñ audanı 1,4 mln ga qwraydı. Jospardı iske asıru aynalımnan şıqqan, alayda qajetti 600 mıñ ga suarmalı jerlerdi qalpına keltirip, jaña 1,5 mln ga suarmalı jerlerdi iske qosudı közdeydi. Bwl twsta jalpı önim 3,7 trln teñgeni qwramaq.

A. Evniev sulandıru infraqwrılımın odan äri damıtu üşin Auıl şaruaşılığı ministrligi halıqaralıq täjiribege säykes MJÄ shemalarımen jeke investiciyalar arqılı qarjılandıru modeline auısudı wsınatının jetkizdi. Onıñ aytuınşa, bwl jerdi paydalanudıñ tiimdiligin arttıruğa, jinaqtalğan jer üsti su resurstarın köbeytuge, zäkirlik käsiporındardı qwruğa jäne auıl şaruaşılığı önimderiniñ eksportın arttıruğa mümkindik beredi.

MJÄ arqılı modelderdiñ wsınılğan sheması halıqaralıq qarjı wyımdarınan, BJZQ nemese Qarjı ministrliginiñ kepilge aluı arqılı ekinşi deñgeyli bankterden investiciyalardı tartu üşin arnayı qarjı kompaniyasınıñ qwratın jeke äriptestiktiñ boluın qarastıradı.

«2028 jılğa qaray qalpına keltiriletin jäne jañadan paydalanuğa engiziletin suarmalı jerlerde bağdarlamanı iske asırudan kütiletin nätijeler 3 727 mlrd teñgege deyin suarmalı jerlerdiñ jalpı tüsiminiñ ösimin 1 jwmıskerge şaqqanda 5,8 mln teñgege deyin önimdi öndiru ösimin qarastıradı», — dedi A. Evniev.

Birinşi vice-ministr sonımen qatar bwl bağdarlamanıñ twjırımdamalıq täsilderi biznes-qauımdastıqtardıñ ökilderiniñ qatısuımen pısıqtalğanın habarladı. Köptegen käsiporındar men auıl şaruaşılığı tauarların öndiruşilerdiñ tarapınan jobanı iske asıruğa qızığuşılıq bar.

Ükimet otırısında biznes ökilderi dep söz söyledi.

Qazaqstandağı Aziya damu bankiniñ twraqtı ökildiginiñ direktorı D. Kapanelli Bank juırda Auıl şaruaşılığı ministrligimen 2019–2021 jıldar aralığında agrosektorğa 2 mlrd dollarğa deyin investiciya salu jönindegi özara is-qimıl turalı iri Memorandum boyınşa jwmıstı ayaqtaydı. Bwl memorandumnıñ negizgi qwrauışı sulandıru qwrılımdarın jañğırtudı qoldauğa bağıttalğan.

Öz kezeginde «Tamas» JŞS direktorı A. Pwsırmanov investor retinde bwl täsildi tolıq qoldaytının jetkizdi, mwnda jeke seriktes iske asırıla bastağan kezden jobalau jäne salu boyınşa şaralardı öz betinşe wyımdastırıp, iske asıratın boladı, al ayaqtalğan soñ — ösimdik şaruaşılığı jüyelerin paydalanıp, tehnikalıq qızmet körsetetin boladı, yağni suaratın sular qızmetin körsetedi, bwl Qazaqstanda alğaş ret qoldanıladı. Türkistan oblısındağı Arıs qalasında 25 mıñ ga aumaqtı alatın suarmalı jerlerge jürgizilgen zertteulerdiñ qorıtındısı boyınşa bwl käsiporın jobanı iske asıruğa qızığuşılıq tanıttı.

«Atakent-Agro» JŞS direktorı B. Mälimov aynalımğa suarılatın jaña jerlerdi engizu qajetti äri özekti joba ekenin ayttı, wsınılıp otırğan tarifter de qolaylı. QR AŞM igerudi közdep otırğan jerler azıraq sulandırılğan jäne sortañ äri qwmdauıt sulardıñ mañında ornalasqan, qosımşa jwmıstardı qajet etetin sulandırılğan aumaqtarğa qarağanda tiimdiligi köbirek.

Mäseleni qarau barısında Prem'er-Ministrdiñ orınbasarı – auıl şaruaşılığı ministri Ö. Şökeev suarmalı jerlerdi damıtu bağdarlaması respublikamız üşin asa mañızdı ekenin atap ötti. Sebebi, bügingi tañda suarmalı jerler egistik alqabınıñ 7% qwraydı. Bwğan qaramastan, auıl şaruaşılığı daqıldarınıñ jalpı öniminiñ 40%-ı osı suarmalı jerlerde şığarıladı. Käsipkerlerdiñ barlığı suarmalı jerlerdiñ paydasın tüsinedi: jıl sayın suarmalı jerlerdiñ kölemi artuda. Tek biıldıñ özinde 65 mıñ ga paydalanuğa berildi. Olardıñ arasında eñ köbi — Soltüstik Qazaqstan, Aqtöbe oblıstarında. Ö. Şökeevtiñ pikirinşe, atalğan qarqındı eselep wlğaytu kerek.

Eger Damu josparı ayasında 10 jılda suarmalı jerlerdiñ audanı 3,5 mln ga jetse, onda bolaşaqta auıl şaruaşılığı önimderiniñ 70% däl osı jerlerde ösiriletin boladı. Audandı wlğaytu auıl şaruaşılığı tauarın öndiruşilerge aua-rayı jağdaylarına täueldi bolmauğa jol aşadı.

Öñirlerde suarmalı eginşilikti damıtu turalı Almatı oblısınıñ äkimi A. Batalov, Aqtöbe oblısınıñ äkimi B. Saparbaev, Mañğıstau oblısınıñ äkimi E. Toğjanov bayandadı.

Mäseleni qarau qorıtındısı boyınşa QR Prem'er-Ministri Baqıtjan Sağıntaev Jospar jobası barlıq müddeli ministrliktermen, öñirlermen kelisilgenin atap ötti. Onı iske asıruğa qajetti twjırımdamalıq täsilder jeke sektor tarapınan da qoldau taptı.

Jalpı Josparda 3,5 mln ga aumaqta suarmalı jerlerdi suaru sularımen qamtamasız etu qarastırılğan. Bwl 4,5 ese jalpı tüsim ösimin jäne eñbek önimdiliginiñ 2 esege ösuin qamtamasız etedi, sonday-aq 300 mıñğa juıq jaña jwmıs orındarın aşuğa mümkindik beredi. Auıl şaruaşılığı ministrligine müddeli memlekettik organdarmen jäne öñirlerdiñ äkimderimen birlesip, Jospar şaraların sapalı äri uaqıtılı iske asıru tapsırıldı.

Tüpnwsqa: primeminister.kz

Abai.kz

0 pikir