«Qazposhta» men «Odnoklassniki» basshylyghy qol qoyghan memorandum búl salany taghy da ilgeriletedi.

Memleket basshysynyng tikeley bastamasymen qolgha alynghan «Sifrlyq Qazaqstan» baghdarlamasynyng bir baghyty – elektrondyq sauda. Al búl óz kezeginde elimizding kýlli ekonomikasynyng qozghaushy kýshine ainala alady. Osy negizde Ýkimet qaulysymen irgeli reformalar bastalyp, olardyng jalghasyn tauyp jatqanyna da kuәmiz. Aytalyq, 2017 jyly qazaqstandyq e-commerce naryghynyng kólemi 106,9 mlrd tengeni nemese bólshek sauda ainalymynyng jalpy kólemining 1,2 payyzyn qúrady, búl 2016 jylghy kórsetkishten 36,2 payyzgha joghary.

"Qazposhta" AQ mәlimetinshe, elektrondyq sauda naryghynyng kólemi 2018 jyldyng 5 aiynda 101 mlrd tengeni nemese bólshek sauda ainalymynyng jalpy kólemining 2,9 payyzyn qúrady (3,53 trln tenge). Taghy da aita keterligi, elimizde jyl basynan beri 110 jana elektrondyq sauda subektisi tirkelgen. Naryqta 1658 internet-dýken júmys isteydi, satyp alushylar sany 5 payyzgha ósti. Salada 71,6 myng qyzmetker júmysqa ornalastyryldy.

Al jaqynda Qytay tauarlarynyng marketpleysi «Odnoklassniki» әleumettik jelisi arqyly Qazaqstan naryghyna shyqty. Endi atalghan әleumettik jelining elimizdegi 2,5 mln paydalanushysy internet-dýkenning 30 mln-nan astam tauaryn tandap, tapsyrystyng tólemin tengemen jasay alady. Al tauardy qysqa merzimde jetkizip beru qyzmetin «Qazposhta» AQ qazirgi zamanghy tehnologiyalarynyng arqasynda moynyna alady.

OK internet-dýkeni әr týrli sanattaghy tauardy tandaugha, satyp alugha jәne poshta arqyly jetkizudi resimdeuge mýmkindik beredi. E-commerce platformasynyng negizgi ereksheligi – paydalanushy kontentining integrasiyasy (UGC): satyp alushylar tauarlardy beyne jәne foto sholular arqyly qarap, baghalay alady. Sonday-aq tauarlar turaly aqparatty dostarymen әleumettik jelilerge bólisip, olardy jaqyndaryna úsyna alady.

«Odnoklassniki» – óz platformasynda tolyqqandy marketpleysti iske qosqan Reseydegi alghashqy әleumettik jeli. Ondaghy internet-dýken flash sales formatynda júmys isteydi, yaghny eng tanymal tauarlardy jyldam satu, desktopty jәne mobilidi núsqany qosa alghanda, barlyq platformalarda, OK mobilidi qosymshalarynda qol jetimdi. Marketingte tauarlar sanaty boyynsha izdeu jәne keneytilgen navigasiya bar.

Barlyq satyp alular tolyq qorghalghan. Tólem bank kartasymen OK akkauntyna baylanysty jasalady, eger tauar kelmese nemese onyng sapasy satyp alushygha únamasa, әleumettik jeli aqshany qaytarady. Jetkizu býkil Qazaqstan boyynsha tegin jәne «Qazposhta» arqyly jýzege asyrylady. Sonymen qatar, tapsyrystan keyin ýsh saghat ishinde satyp alushy ony joya alady. Internet-dýken satyp alugha, qaytarugha, jetkizuge, tauardyng sapasyna baylanysty mәselelerdi sheshuge kómektesedi.

Anton Fedchiyn, «Odnoklassniki» әleumettik jelisining jetekshisi:

– Bizding Qazaqstan naryghyna shyghuymyz jәne «Qazposhtamen» integrasiya – әleumettik jelini damytu jolyndaghy manyzdy júmys. «Odnoklassniki» – Reseyde ghana emes, shet elderde de iri әleumettik jelilerding biri. Qazaqstan túrghyndary әleumettik jeli platformasynda satyp aludyng barlyq artyqshylyqtaryn birinshi bolyp baghalay alady. Mәselen, tauardy tandaudan bastap, tapsyrys ornalastyrghangha deyin jәne OK sheginen shyqpay-aq tólem jasay alady. Dýken bizding әleumettik túghyrnamamyzgha tolyqqandy integrasiyalanatyn bolady. Tauarlardy satyp aludan bólek, paydalanushylar kontentting jana týrlerin jәne sholulardy qarap, olardy ózderi qúryp, tauarlar turaly pikirlermen bólise alady.

Abai.kz