Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Dep jatır 2262 10 pikir 31 Qazan, 2018 sağat 11:09

Mırzan Qayğı - memsıylıqqa layıq

Örkenietti elderde Memlekettik sıylıqtı maydan qıl suırğanday  etip ömir baqi şığarmaşılıqpen aynalısıp, sol salanıñ şıñına şıqqan  jüzden  jüyrik, mıñnan twlpar atanğan aqın nemese jazuşığa alıp beredi. Al, bizdiñ  elde  bäri kerisinşe... Kimde-kim  mıqtı jağımpazdansa, biliktiñ  şınayı kelbetin  jasırıp, öz azamattıq  közqarasın bildire  almasa, şeneunikter  üşin  solar tiimdi. 

Täuelsizdik  alğan jiırma jeti jıl ayasında  qanşama  aqın-jazuşılar Memlekettik  sıylıq  alıp  ülgerdi. Memlekettik  sıylıqtı  almaqşı  bolıp  dodağa  tüskenderdiñ  swrqiya  swmdıqtarğa  baratının bılayğı  jwrt  bilmeui  mümkin. Arasında jürgendikten qarapayım  pendeşilikten bastap, adam  aytsa  nanğısız  jağdaylar  bolıp jatatınınan biz habardarmız. Olar Memlekettik sıylıqtı alıp  alğan soñ da, qoğamdağı  qordalanğan  mäselelerge qatıstı  jwmğan  auzın  aşpaydı. YAğni, «Esek laydan  ötti, qu  ketti» degenge  sayadı. Memlekettik  sıylıqqa tağayındağan  50 000 AQŞ dollardı  qaltağa salsa boldı, is  bitti.

Osınıñ saldarınan Qazaq  qoğamındağı  aşı  problemalardı qozğap, qazaq  tilinen bastap, dini, salt-dästüri, tarihı, mädenieti, sayasatı turalı  qara  qıldı  qaq  jarıp jazıp  jürgen  qoğam   qayratkeri,  aqın Mırzan Kenjebay siyaqtılar tasada  qalıp  qoya   beredi. Öytkeni, bizdiñ  bilikke şıñğırğan  şındıq  kerek  emes.

Keybireuler "Mırzan Qayğı" dep  kelekelep  mıqtı aqındı wnata  qoymaydı, öytkeni  "aqiqattı  aytıp nemese  jazıp qoyadı" dep oylaydı. Aqındığı Memleketttik sıylıq  iegerlerinen artıq  bolmasa  kem  emes. Onı kökirek  közi  aşıq  ziyalı  qauım  ökilderi  bayağıda  moyındağan. Sondıqtan kim  köringen  alıp  jatqan Memlekettik  sıylıqtıñ  qadirin ketirmeudi oylağan jön bolar edi.

Jwmamwrat  Şämşi

Abai.kz

 

10 pikir