Jeksenbi, 26 Mausym 2022
Kýbirtke 4790 7 pikir 26 Qazan, 2018 saghat 14:27

Tilderdi damytu basqarmalary ay qarap otyr ma?

“Kuyylmaly Susyndar Dukeni” Timiryazov pen Rozybakiyev kóshelerining qiylysyndaghy susyndar dýkenining sauatsyz jazbasy әleumettik jelide biraz talqylandy. Múny jurnalist Jazira Begaly bayqap qalyp, әleumettik jelige jariyalaghan. 

Jalpy, kóshedegi sauatsyz jarnamalar men jazbalardyng kóptiginen olargha nazar audarmaytyn da bolghanbyz. Mәselen, Almatyda “Saebiz” atty restoran bar. Búl restorannyng aty - biz talqygha salyp, artynsha mazaqqa ainalyp ketken latyn әlipbiyining alghashqy núsqasyndaghy beyәdep sózben tikeley baylanysty ekenin elding bәri biledi. Alayda, restorannyng Almatydaghy diyrektory Edgar Davtyan múny “trend” dep oilaydy eken.

Búdan bólek “Meni qaynatugha keregi joq”, (Menya ne nujno kipyatiti) nemese “Úiyqtasyn dәmmen mýmkin” (Spati mojno so vkusom), “Salmaqqa kiyim” (Odejda na ves) t.b  tikeley audarylghan jarnamalar da tilimizdi ashyqtan-ashyq mazaqtap otyr. Al, Zanda “Jarnama mazmúnynyng audarmasy onyng negizgi maghynasyn búrmalamaugha tiyis” dep jazylghan. Eng bolmasa, sauatsyzdar osy bap boyynsha tekserilip, jazalanuy kerek edi. Biraq, búl bassyzdyqty ysqyryghy jer jaratyn til komiytetteri men tilderdi damytugha tiyis basqarmalar da tyya almay otyr.

Qoryta aitqanda, sauatsyz jarnama ne ýshin ilinedi? Qazaq tiline nemqúrayly qaraghannan ba, әlde sol jarnamany ilgenderding shynymen sauaty joq pa? Eger olay bolsa, barlyghymyz qazaq tiline dengeyi jetpeytin sol sauatsyzdargha kómekteseyik. Jýrgen jerimizdegi qate jazulardy týzeuge, týzep beruge tyrysayyq.

Núrbiyke Beksúltanqyzy

Abai.kz

7 pikir