Beysenbi, 6 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
Anıq-qanığı 2408 5 pikir 1 Qazan, 2018 sağat 09:35

Aramızda jalğan «jeltoqsandıqtar» masayrap jür

Sälemetsiz be, Saylau ağa!

Ağa, Sizdiñ Abai.kz aqparattıq portalına jariyalağan "Olar... jalğan jeltoqsanşılar..." attı maqalañızdı oqıdım.

Sizdiñ pikiriñizdi tolıq qoldaymın! Alla Sizge jar bolsın! Ras, aramızda jalğan «jeltoqsandıqtar» masayrap jür. Olar bireudiñ suretimen, bireudiñ qwjatımen, tağı da basqa amal tauıp, aqtalğandar. Mısalı, meniñ suretimmen aqtalğandardı öz közimmen kördim. Osı sözime Allanıñ aldında da, qwzırlı organdardıñ aldında da jauap bere alamın. Özim turalı aytqanımdı keşiriñiz – dälel bolsın dep jazdım. "Ana tili" gazetinde jariyalanğan mına surette  aq telpek kigen – menmin. Jeltoqsan köterilisine qatısqanım üşin osı suret boyınşa meni tauıp, sol kezdegi memlekettik qauipsizdik komiteti men prokuratura QazMU-dağı oquımnan da, komsomoldan da qudı.

Atam qazaq «Baylıq, bilik, danalıq – Alladan» dep senetin. Biraq «Atıñ şıqpasa – jer örte» degendey, ataq pen baylıq üşin keybireuleri «jeltoqsan qaharmanı» bolıp şığa keldi.

Qorıta aytqanda, wlttıq qauipsizdik komiteti men prokuratura bärimizdiñ qwjattarımızda qaytadan tekserip, «osı top – aqtalğandar, osı top – jalğandar» dep, saytta resmi türde jariyalaydı dep senemin.

Kim kim ekenin halıq bilsin. Sın sağatta halqımen birge bolğandardı eki düniede de Alla jarılqasın!

Aqşagül Jemisbaeva, jeltoqsanşı

Abai.kz

5 pikir