«Astana» Europa Ligasy toptyq kezeni ayasyndaghy alghashqy matchyn syrt alanda kiyevtik «Dinamo» komandasyna qarsy ótkizip, 2:2 esebimen teng tarqasty.

Ýshinshi jyl qatarynan Europa ligasynyng toptyq kezeninde baq synap jatqan elorladyq komanda Kenes futbolynyng ýzdigi bolghan danyqty «Dinamogha» qarsy matchqa ýlken ýmitpen attanghan. Ukrainalyq komandanyng songhy kezderi ala-qúla óner kórsetip jýrgenin paydalanyp, syrt alannan úpay enshilep qaytudy maqsat etti.

Komandanyng bas bapkeri Grigoriy Babayan negizgi qúramgha azdaghan ózgeris engizdi. Jartylay qorghanys shebine Serikjan Mujikovtyng ornyna Ázirbayjan qúramasynyng oiynshysy Richard Alimeydany shyghardy. Biraq, bizding oiymyzsha búl asa kóregen sheshim bola qoyghan joq. Alimeydanyng Serikjannan asyryp óner kórsetkenin bayqay almadyq.

Osy jerde aita keter bir mәsele, «Astana» sapynda búl kezdesudi birinshi minuttan bastaghan 11 futbolshynyng tek bireui ghana taza qazaqstandyq. Sol qaptaldaghy qorghaushy Dimtriy Shomkodan basqa on oiynshy shetelden kelgen sheberler. Ras, Qaqpashy Erich pen ortalyq qorghaushy Postnikovta Qazaqstannyng kók pasporty bar. Biraq, búnyng birinshisi Serbiyada tuyp-ósken, al songhysy Reseyding ekinshi sortty oiynshysy. Al qalghany legionerler.

Qúramynda qazaq týgili qazaqstandyq oiynshy az elordalyq komandagha elde qalghan milliondaghan qazaq jankýierlik etti. Qazaqstannyng komandasyn qazaqtan basqa kim qoldaydy deysiz? Eldegi ózge últ ókilderining reseylik komandalargha jankýier ekeni jasyryn emes, olar ýshin «Astananyn» jenisinen «Zenittin» jenilisi әldeqayda artyq.

Biraq, bir quantarlyghy komandamyz K tobynyng myqtysy sanalatyn «Dinamodan» jenilgen joq. Kiyevten bir úpay enshilep qaytty. Taghy bir aita keterligi, ózine berilgen bar bolghany bes minut uaqytty sәtti paydalanghan Roman Murtazaev oiyn biter tústa gol soghyp, esepti tenestirdi.