Beysenbi, 6 Qazan 2022
Sanlaq 4073 2 pikir 10 Qyrkýiek, 2018 saghat 11:29

Andorra-Qazaqstan: Bizding qúrama qarsylasynan 100 ese qymbat

Býgin Qazaqstan qúramasy UEFA-nyng jana jobasy Últtar ligasy ayasynda ekinshi matchyn ótkizedi.

Europa chempionatyna qatysugha mýmkindik beretin búl turnirdi Qazaqstan qúramasy sәtti bastay alghan joq. 6 qyrkýiek Astanada Gruziya qúramasyn qabyldap, 0:2 esebimen jeniliske úshyrady. Sóitip, top kóshbasshysy ýshin talasta gruzin futbolshylary yryqty oryngha shyghyp aldy.

Bolgariyalyq bapker Stanimir Stoilov bastaghan Qazaqstan qúramasy býgin Andorra qúramasyna qonaqqa barady. Eger búl oiynda jeniske jete almasa, onda Europa chempionatyna barsaq degen ýmitimiz erterek óshui mýmkin. Bizding futbolshylar búghan deyin Andorra qúramasyn eki mәrte jengen. Biraq, ol kezdegi Andorra men qazirgi Andorra qúramasyn salystyrugha kelmeydi. Adam sany 80 mynnan aspaytyn shaghyn memleketting futboly jaqsy damu ýstinde. Dәl qazirgi tanda olar Qazaqstannyng onay oljasyna ainala qoiy ekitalay.

Erekshe aita keterligi, búl elding qúramasy jartylay kәsiby futbolshylardan qúralghan. Keybir oiynshylary Qazaqstanmen futbol oinau ýshin negizgi júmysynan súranghan eken. Al elimiz futbolshylarynyng jaghdayy qanday ekeni bәrimizge belgili. Qarapayym halqy qonyrqalta kýn keshetin Qazaqstannyng futbolshylary aqshany kýrep tabady. Elimizde dop qualaghandargha tólenetin jalaqy ózimiz qatarly damushy elderding bәrinen joghary. Beyresmy derekterge sýiensek, qúramanyng bas bapkeri Stoilov myrza qazaq futbolshylaryna qalay dop tebudi ýiretkeni ýshin jylyna 2 mln euro jalaqy alatyn kórinedi.

Qos qúramanyng FIFA reytingisindegi orny: Qazaqstan - 116, Andorra - 130. Germaniyanyng ataqty transfermarkt saytynyng mәlimetine sýiensek, qazaqstandyq futbolshylardyn transfer naryghyndaghy jalpy qúny 20,5 mln eurony qúraydy. Al Andorra futbolshylary bar bolghany 225 myng euro. Qazaqstan qúramasyndaghy bir Dmitriy Shomkonyng ózi býkil Andorra qúramasynan 10 ese qymbat. Ony az deseniz, bizding qúramadaghy eng jas oiynshy Erkebúlan Seydahmetting transfer naryghyndaghy baghasy 300 myng euro túrady. Demek, 18 jastaghy shabuylshy da Andorra qúramasynan qymbat.

Esterinizge sala keteyik, atalghan oiyn 10 qyrkýiekten 11 qyrkýiekke qarghan týnde Astana uaqyty saghat 00:45-de bastalady.

Quanysh Qappas

Abai.kz

2 pikir